معيار زيت السايبا
 

السلام عليكم ... انا غيرت زيت و المقياس انا حاسس انه عدا الماكس
بس الغريب ان الزيت اللى حطيته كله 3.25 لتر من غير ما غير فلتر
فهل ده كتير ؟؟ و المفروض يكون كام؟؟

رد: معيار زيت السايبا
 

المكتوب في دليل المستخدم 3 لتر بدون الفلتر و3.25 بالفلتر ...انا بحط 3 لتر بالفلتر والزيت بيوصل للحد الاقصي علي مقياس الزيت يعني الفرق ربع لتر.. ارجو ان اكون قد افتك

رد: معيار زيت السايبا
 

انا متشكر جدا لرد حضرتك
لان فعلا الربع لتر ده هو اللى كان قارفنى
انا كنا حاطط 3.25 من غير فلتر .. فا كان كتيير اوى
استأذن حضرتك فى سؤال كمان .. انا عندى ال RPM بتاع العربية على 1 الا سنة بسيطة جدا .. يعنى تقدر تقول على واحد .. فهل ده العادى بتاع السايبا ولا انا عندى حاجة غلط لان اللى انا اعرفه انه المفروض يكون على 0.8
و كمان لما بشغل التكييف ال RPM بيعلى .. فهل ده العادى برده؟؟

رد: معيار زيت السايبا
 

لا شكر علي واجب كلنا بنحاول نساعد بعض وانااستفدت كتير من المنتدي ولازم ارد الجميل...
طبيعي يكون علي 0.8 او 0.9 وانا عندي كدة من ساعة ما جبتها علي الزيرو.. وطبيعي يعلي مع التكيف ...طالما مفيش مشكلة متحاولش تغير حاجة (راي شخصي)

رد: معيار زيت السايبا
 

شكرا مرة اخرى لرد حضرتك وفعلا مادام الموضوع بسيط مش مستاهلة لعب فى العربية
استأذن حضرتك فى معلومة كمان بما ان حضرتك مالك للعربية من فترة.. هل طبيعى ان الفتيس يبقى تقيل سنّة فى النقلات وفى صوت للعصايا فى كل نقلة و كمان نقلة المارش مش بتيجى غير بعضة جامدة ولو مش طبيعى يبقى ايه السبب من وجهة نظر حضرتك؟ و ازاى اعالجه ؟