مصر موتورز مجتمع السيارات - بمناسبة شهر رمضان الكريم تشكيلة معجنات ومخبوزات بالحليب أنظف وأجمل من المخابز بالصور

بمناسبة شهر رمضان الكريم تشكيلة معجنات ومخبوزات بالحليب أنظف وأجمل من المخابز بالصور
http://i.imgur.com/M40lj.jpg

السلام عليكم ورحمة الله وبركاته
بمناسبة شهر رمضان الكريم
اعاده الله علينا وعلي الامة الاسلاميه بكل خير
ويارب مع قدومه يأتي قدوم الخير لشعب سوريا وربنا ينصرهم ويفرج كربهم
وهو وحده القادر علي ذلك

نأتي لموضوعنا
سوف اقدم لكم تشكيلة من المخبوزات
اصنعيها في بيتك وكلك ثقه
وعلي يقين تام بأنها أنظف وأجمل من المخابز
وبما اننا كلنا بنعشقها في رمضان
انا شخصيا بعتمد عليها مع السمبوسه والشوربه في رمضان
اكتر من الاكل العادي
انا مش ها امدح كتيير في معجناتي
لان الصور وحدها هي الكفيله
بأن تعبر عن جمالها
ولونها الرايق
ونظافتها المضمونه
المقادير
6 كوب دقيق يعني كيلو دقيق
ربع كوب زيت زيتون او مثل ماتحبي
ولكن انا استخدمت زيت الزيتون
فنجان قهوه سكر
معلقه كبيرة خميرة فوريه ولو في الشتاء بستخدم 1/2 1 معلقه كبيرة خميرة
معلقه صغيرة بيكنج بودر
6 معلقه كبيرة زبادي
2 كوب حليب طازج ودافئ ( ضروري)
رشة ملح
الطريقه
نضع في الخلاط الحليب والسكر والخميرة والزيت والزبادي وكوب دقيق
ونخلط في الخلاط لمدة ثلاث دقائق
ثم يصب الخليط علي باقي كمية الدقيق
وتعجن كويس جدا علي قد مافيكي
ودي بعد ما اختمرت

http://i.imgur.com/ZECJf.jpg
لتشكيل الصامولي
تقطع قطع صغيرة
وتفرد ثم تلف رول
ونتركها في الصينيه حتي يتضاعف حجمها
http://i.imgur.com/CbxKN.jpg

بعد الخبز

http://i.imgur.com/u7KL5.jpg
لتشكيل الكرواسان
وسبق وتزلت طريقة اللف
وعلي العموم
افردي العجينه علي شكل مستطيل
وقطعيها مستطيلات
ولفيها من القاعدة الي راس المثلث
وانا هنا خليتها ساده
عشان هااعمله ساندويتش
وتترك ليتضاعف الحجم
ودي نقطه مهمه جدا
وهي اعادة تخمير المعجنات بعد تشكيلها
وحطي تحت الجمله السابقه عشرين خط
وهو دا سر ان المعجنات تطلع معاكي خفيفه ومش تقيله
وانا هنا اكتفيت بدهن الخبز
بالحليب السايل فقط لاغير
وكانت هي النتيجه

http://i.imgur.com/YH9Bt.jpg

الصامولي يجنن

http://i.imgur.com/ky5CO.jpg
م الداخل
هش وخفيف
ومغذي للاطفال لانه بالحليب

http://i.imgur.com/cUSAZ.jpg
الكرواسان الساندويتش

http://i.imgur.com/iSYUN.jpg
قدمت مع الصامولي
في الفطور طبعاً
طبق يعبر عن حبي لحبيبتي بلدي
ام الدنيا
يعبر عن علم مصر
استخدمت الزيتون للون الاسود
وجبنه فيتا شرايح للون الابيض
وشرايح من الطماطم للون الاحمر
وحطي ف الساندويتش
شريحة جبن مع شريحة طماطم
وافتحي شهيتك بالزيتون

http://i.imgur.com/CrvsZ.jpg

وهنا قدمت الخبز
مع لبنه ومربي وpeanut butter

http://i.imgur.com/Ur69B.jpg

وقليت بطاطس علي طريقتي
مثل بطاطس ليز واحلي وانظف
ورقيقه وهشه ومقرمشه
قطعت البطاطس بقشارة البطاطس
عشان تكون معاكي رقيقه جدا
ونقعتها في ماء وملح ومعلقه كبيرة خل
وقليتها في زيت غزير
مع مراعاة وضعها واحدة جنب واحدة
( ياطول صبرك)
عشان مش تلزق في بعضها وتعجن معاكي
وطلعت خفيفه ومقرمشه
وممكن ترشي عليها بعد القلي
النكهة اللي تحبيها
ممكن تحطي زعتر
او بابريكا
وقدمتها مع ساندويتش الكرواسان بعد ماحشيته برجر
http://i.imgur.com/mVrt2.jpg
وطبعاً عملت خبز للبرجر
فردته وقطعته دوائر
ودهنت الوجه بالحليب

http://i.imgur.com/k5RkK.jpg
وعملت من نفس العجينه
(فطيرة البيتزا)
والحقيقه انا شفت طريقتها في منتدي تاني
اخدت الفكرة بس
ولكن بعجينتي وبحشوتي

نفرد العجينه بعد تقطيعها كور صغيرة
ونضع قليل من صلصة البيتزا
ثم الحشو والاجبان
ونضع علي الوجه قطعة من العجين المفرودة كمان
ونقفل الاطراف جيدا بالشوكه
ونرصها واحدة يمين والاخري يسار
في قالب التوست
والصور توضح
http://i.imgur.com/CJkBc.jpg

ونتركها تختمر
ثم يدهن الوجه بالحليب الطازج
وندخلها الفرن

ودي النتيجه

http://i.imgur.com/nrU51.jpg
م الداخل

http://i.imgur.com/iAt3X.jpg
ودي المجموعه

http://i.imgur.com/f7cgU.jpg

http://i.imgur.com/GY49m.jpg

http://i.imgur.com/55ph6.jpg

وهنا قدمت ساندويتش البرجر
في box
وممكن الاولاد ياخدوها معاهم المدرسه
http://i.imgur.com/CKW1m.jpg

وممكن تحفظيه في اكياس وع الفريزر

http://i.imgur.com/VkPVb.jpg

منقول
:fun_36_1_51[1]: