أرجو المساعدة فى نقل ملكية سيارة وتجديد رخصتها وخلافة
 

السلام عليكم ورحمة الله وبركاتة

الموضوع أنا اشتريت سيارة سكودا فليشيا موديل 96 موتور 1300 سي سي

أولا الموتور الموجود فى العربية حالياً لسة مش مثبوت على الرخصة
والمطلوب هو إثبات الموتور على الرخصة علماً بأن رخصة العربية مرور البساتين وأنا عاوز أنق العربية لمرور حلوان والرخصة تنتهي فى شهر 10 لما أشتريت العربية أشتريتها من صاحبها بتوكيل ولسة مسجلتش بالشهر العقاري

السؤال هو أنا بدات رحلة التجديد من كام يوم ذهب لمرور الدراسة وتم تحريك ورق الموتور لمرور البساتين

المشكلة دلوقتي التوكيل اللي معايا مكتوب فية بيانات العربية ومنها الموتور القديم المثبوت على الرخصة

هل ممكن أبيع لنفسي واسجل بالشهر العقاري بالتوكيل اللي معايا بدون خوف من رقم الموتور

وماهي إجراءات الفحص هل أروح على مرور حلوان أبدا فحص واعمل ملف وبعدين أنقل من مرور البساتين الى مرور حلوان أم العكس

وماهي تكلفة الضريبة لمدة ثلاث سنوات

أرجو المساعدة علشان أنا فى حيرة من امري وأول مرة اتعامل مع المرور

برجاء الشرح بالترتيب الخطوات اللي المفروض أعملها

وأسف على الاطالة

رد: أرجو المساعدة فى نقل ملكية سيارة وتجديد رخصتها وخلافة
 

نفس المشكلة الي انا فيها دلوقت مش عارف اعمل ايه

يمكن انا اصعب شويه لان الرخصة انتهت :))

رد: أرجو المساعدة فى نقل ملكية سيارة وتجديد رخصتها وخلافة
 

متابع الردود ياجماعة لاني أخدت بالفعل قرار التجديد

رد: أرجو المساعدة فى نقل ملكية سيارة وتجديد رخصتها وخلافة
 

والله حرام عليكو يارجال المنتدي

أكتر من شهرين ومحدش يعرف

دة أسمه كلام

أوكي :THUMBS~220::THUMBS~220:: THUMBS~220::THUMBS~220:

رد: أرجو المساعدة فى نقل ملكية سيارة وتجديد رخصتها وخلافة
 

اصل فاتورة الموتور مع مين وهل باسم المالك القديم ولا باسم حضرتك
ولو باسم المالك القديم هلى بعلك او عملك توكيل بالموتور؟؟؟
ولو باسم المالك القديم ومعملكش تنازل او بيع الموتور الجديد يبقى لازم ترجعلة عشان يبعلك الموتور الجديد
اووووووو
التوكيل اللى معاك يذكر فية كلمة "والتجديد" جنب البيع للنفس والغير وتوكيل الغير
وبكدة هاتقدر تجدد باسم المالك القديم والرخصة هاتطلع باسمة والكلام دة طبعا فى مرور البساتين وبعد كدة ممكن تنقل ملكية فى مرور حلوان