مشكلة - باحس ان حاجة بتحاول توقف العربية - كورولا 99
 

اليوم الصبح حسيت بأن شىء يحاول ان يوقف السيارة اثناء السير - وكأنها فرامل خفيفة - تشتد وترتخى - وواجهت صعوبة فى الانطلاق بعد الوقوف فى الاشارة عدة مرات- لما وصلت المنزل تحسست العجل (عجل الحديد الداخلى اللى تحت الفريم الحديدى للكاوتش) - فوجدته ساخن لدرجة تلسع بشدة - فهل هذا طبيعى للدفع الامامى - اقصد ان يسخن العجل ؟؟؟ - ام هو بسبب خلل فى الفرامل ادى لاحتكاك اللقم (قطعة الفرامل للاحتكاك) مع عجل الحديد لخلل ما فى منظومة الفرامل ؟؟؟؟ - مع العلم ان العجلتن كانو سخنين مش عجلة واحدة.

كمان لاحظت خلل فى فرامل اليد من يومين - مش شغالة كويس - واعتقد انى مرة ماخدتش بالى ومشيت مسافة وايد الفرملة مرفوعة - فهل ممكن تكون هى كمان مأثرة - انا سمعت ان نظامها شناكل بتركب فى بعض - فهل ممكن يكون واحد من الشناكل انكسر ؟؟؟


احتمال ثانى للمشكلة - كنت قد اوقفت السيارة لحوالى ساعتين وبعدها انطلقت بسرعة بسيطة بدون ان انتظر لتسخن السيارة ويطلع الزيت على البلوف - لكن بسرعة بسيطة جدا لمسافة 200 متر تقريبا وبعدها انطلقت عادى يعنى - فهل يمكن ان يكون اثر هذا على الشنبر (الاساور اللى بتتركب فى البستون لما العربية تبدأ تطلع دخان ابيض من الشكمان) وبالتالى يكون بدأ الشنبر بإعاقة دوران الماكينة - مع ان صوت الماكينة وهى واقفة او لما ادوس على الوقود لم يتغير - وامبير الحرارة عادى جدا ولم يرتفع - ولمبة الزيت مش منورة ؟؟؟

ماذا تعتقدوا يكون السبب - بكرة الصبح انشاءالله هفك الكاوتش واحاول ادور العجل بإيديا - واشوف هل الفرامل شادة عليه ولا لا - افيدونا لو تعرفوا.

وكل سنة وانتم طيبين وتصوموا وتفطروا على خير.

رد: مشكلة - باحس ان حاجة بتحاول توقف العربية - كورولا 99
 

احتمال يكون هو دة السبب
ادخل على الرابط
http://www.masrmotors.com/vb/showthread.php?t=92506

رد: مشكلة - باحس ان حاجة بتحاول توقف العربية - كورولا 99
 

عفرت العربية وفكيت الكاوتشين اللى قدام - الاحكتكاك مش شديد - ممكن ادور العجل باليد بسهولة - يعنى مش بالقوة اللى تعيق سير العربية. بس لاقيت حاجة غريبة فى الجهة اليمين - العجل ومعاه المساعد واليايى اللى فوقيه - مش ثابتين فى مكانهم - وبقدر احركهم حوالى 10 سم لفوق ولتحت - ايه ده ؟؟؟؟ - الجهة الشمال ثابتة.

رد: مشكلة - باحس ان حاجة بتحاول توقف العربية - كورولا 99
 

يمكن محتاج تربيط على العفشة .
بس دة ملوش علاقة بالتقل فى السير دى بيعمل حاجات تانية
يعنى ممكن تلاقى العربية تموج منك وانت ماشى

رد: مشكلة - باحس ان حاجة بتحاول توقف العربية - كورولا 99
 

غالبا انا لقيت السبب - الخف مقطوع - الخف ده قطعة البلاستيك التقيلة اللى بتربط راس المساعد فى البودى - بكرة انشاءالله هجيب واحد جديد واركبه - ربنا ستر العجلة ما اتكسرتش ولا دراع الشاسى اتكسر.