قربت أخلص الألف كيلو الأولى، المروض أعمل إيه
 

السلام عليكم
أنا معايا لوجان أوتوماتيك الحمد لله
دلوقتي عامل عليها حوالي 900 كيلو
وكنت متبع فيهم تعليمات التليين
يعني السرعة مزودتهاش عن 100 كيلو إلا مرة أو اتنين علشان افتح الموتور
شغلت التكييف بعد حوالي 400 كيلو
مفيش أي حاجة مريبة أو غلط غير بعض الحاجات البسيطة
يعني محتاج أظبط زوايا لأن عندي حدفة يمين بسيطة
لما اشغل التكييف أوقات بسمع تكة خفيفة في البداية
لسه الموتور صوته خشن شوية لما أكون بره العربية
إنما وأنا جوه مبسمع أي صوت
استهلاك البنزين حسب كمبيوتر العربية 11 لتر لكل 100 كيلو
أنا استلمت العربية والمعرض كان عامل كود الكاسيت علشان كده مروحتش التوكيل لحد دلوقتي
فالمفروض أعمل إيه دلوقتي
لأن الموتور محتاج ينضف عليه عفرة من المخزن
ومحتاج أظبط زوايا

قولولي أعمل إيه وشكرا مقدما ليكم يا أحلى أعضاء في المنتدى

رد: قربت أخلص الألف كيلو الأولى، المروض أعمل إيه
 

عادي ياباشا روح اعمل صيانة الاف وهيغيروا الزيوت والفلاتر
وابقا قول لبتوع التوكيل على المشاكل اللي في عربيتك وهما ان شاء الله هيحلوها
وتقبل تحياتي :fun_36_3_11[1]:

رد: قربت أخلص الألف كيلو الأولى، المروض أعمل إيه
 

يعني هو الزيت اللي جاي مع العربية بيتغير بعد ألف كيلو ولا عشر آلاف كيلو
وبالنسبة لتوكيل العبور هو أقرب توكيل ليه لأن أنا من إسماعيلية
فهو مكانه في بالظبط
وشكرًا

رد: قربت أخلص الألف كيلو الأولى، المروض أعمل إيه
 

اعتقد الالف
لكن علشان تتاكد اتصل بالتوكيل او شوف كاتالوج الصيانة
اما لو مفيش صيانة الف كيلو
يبقا تروح التوكيل برضه علشان المشاكل اللي في العربية
اما اقرب توكيل للاسماعيلية
خش على الرابط دا
http://www.renault-egypt.com/faceboo..._Ar%20last.pdf
وتقبل تحياتي

رد: قربت أخلص الألف كيلو الأولى، المروض أعمل إيه