|
مخالفه سير عكس الاتجاه
السلام عليكم النهارده وكالعاده كنت بعمل متابعه للحاجه بعد العمليه ومن حظى الحلو او الوحش كل يوم سبت لازم تحصلى مشكله فى اليوم ده لانى وبلا فخر بأكون فى معقل الزحمه وأشد الاماكن سخونه فى مصر وإلتهاباً فى مستشفى قلاوون متفرعه من شارع الازهر وطبعاً اول شىء الحاجه بتنزل من العربيه وتستنانى أركن وده هم لوحده مره ارجع من المستشفى الاقى استيكر مخالفه تعطيل حركة المرور والنهارده والحمد لله كنت هاخد مخالفه سير عكس الاتجاه واللى مزعلنى انى قلت للصول انى غريب مش من هنا وانى مش عارف ان الطريق عكس وبصراحه وده اللى مضايقنى جداً انى فضلت احلف انى ماعرفش وصول المرور قالى والله انا مش هاكتبها علشان خاطر الحاجه بس انا لسه متضايق جداً وفضلت طول الطريق ازعق لنفسى انها سولت لنفسها تمشى عكس وقلت يا خسارة الكلام اللى الواحد بيفضل يقولو للناس وهو مش بيعمل بيه وأمى تقولى يابنى خلاص وانا اقولها أصلى انا كنت عارف انى ماشى عكس وحلفت انى ما اعرفش ودلوقتى كل اللى اقدر اقوله انى حاسس انى صغير قدام نفسى ومنافق كمان وعلشان كده انا كتبت الموضوع ده لسببين اولاً افضح نفسى فى المنتدى ثانياً علشان غيرى ما يعملش كده ويبقى صغير قدام نفسه |
رد: مخالفه سير عكس الاتجاه
حاول متمشيش عكس الاتجاه تانى لانك ممكن تعرض حياة ناس لخطر انا مرة كنت بتمشى فى اسيوط على ترعة الابراهيمية واذ فجأة الاقى اتوبيس عكس الاتجاه فى وشى انا من الخضة اتسمرت مكانى
وعليك بكفارة اليمين |
رد: مخالفه سير عكس الاتجاه
يا عم حصل خير ، وخليك في الصراحة احسن
هقولك علي موقف حصلي كان فيه كبري صغير في المنصورة وعايز الف من عليه بدل ما امشي طريييق طويل وزحمة ، وكان فيه امين شرطة في اول الكبري قلتله ممكن الف وارجع قالي لأ ياعم عايز الف وارجع المهم مرضاش مشيت شوية وبعد تلات تربع الكبري عملت صايع ولفيت وهوووب لقيت امين شرطة تاني هههههههه بيقلي ممنوع وهاخدك مخالفة قلتله معلش اصلي مش من البلد ومعرفش النظام ايه ( عامل صايع ) قالي زميلي لسه مكلمني علي اللاسلكي وقالي انه قالك ممنوع هههههههههه( الكدب ملوش رجلين) روحت قايله تصدق طلعت صايع ومليته رقم العربية وقلتله البسه ( للاسف قلت ادب مني ) بس الحمد لله مدفعتش حاجة في المرور عشان كان المرور ولعوا فيه عندنا في بورسعيد والمخالفات كلها اتمسحت كنت اخد فوق 6 او 7 مخالفات عكس اتجاه وكسر اشارة بالهبببببببل الواحد نيته سليمة الكدب ملوش رجلين |
رد: مخالفه سير عكس الاتجاه
أحييك على صراحتك وأحساسك الراقى وتأكد يا أخى أنه بعدم اتباع قواعد المرور مثل السير بعكس الطريق لن نوفر فى الوقت والجهد بل سيزيدنا تعطيلاً وسيعرضنا الى مشاكل ومخاطر ومخالفات نحن فى غنى عنها , ومعلش يا باشا متزعلش نفسك . والحمد لله حصل خير .
|
رد: مخالفه سير عكس الاتجاه
الف سلامة على والدتك ، وربنا يطمنك عليها
قدر الله وماشاء فعل رمضان كريم |
| الساعة الآن 11:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017