مصر موتورز مجتمع السيارات - ركبت التكيييف و الحمد لله :))

السلام عليك .. مبدئيا انا بكتب الموضوع دلوقتى من فرحتى بس مش اكتر و لكن هو مش مفيد ولا اى حاجة ::w6w2005041122053268
انا اشتريت سيتروين ax من شهر 1 /2012 و انا الصراحة جايبها عشان التكيف عشان الصيف الواحد مبيطقش يقعد فى العربية من الحر و حتى لو ماشى سريع الهوا السخن بيدخل بتبقى اكنك راكب فرن مش عربية ..المهم .. كان معروض عليا واحدة لسة متسمكرة و مرشوشة والتابلوه زيرو و العربية مشدودة كلها بمعنى الكلمة بس مفيهاش تكييف ولا حتى المواسير بتاعته فانا مرضتش الصراحة و قولت اجيب واحدة اقل فى الحالة شوية بس يكون فيها تكيف .. عشان انا منقى العربية دى اساسا عشان التكيف .. المهم نزلت سوق السيارات يوم الاحد و لقيت واحدة زيتى حالة الموتور ممتازة بس عايز يتغيرلها الفرش و متبهدلة بصراحة من جوة و لقيت انها عايزة سربنتينة و شحن بس .. بكام يعم السربنتينة .. الاستيراد ب 250 جم و الشحن 134 انجليزى ب 150 جم .. طب تمام اوى .. خلصت فيها .. صرفت عليها فرش و تظبيط و شغلت اى اوبشن مش شغال فيها و خلصت الفلوس و معملتش التكيف .. المهم فى شهر 3 كدة قررت انزل اعمل التكيف ( فى بداية الحر ) رحت عين شمس و جبت سربنتينة استيراد و رحت لواحد هناك بردو الناس كلها بتشكر فيه بتاع تكيف ..المهم ركب السربنتية قاللى روح هاتلى فيلتر تكيف , روحت جبت الفيلتر ب 225 جم جديد :dzy: كدة العملية هتخرم .. رحت وديتهوله قاللى روح هات بريشر ( معرفش ايه دة اصلا :w6w2005041122053268 ) pressure جبته ب 70 جم استيراد :070104~242: ..و كبَس هواء لقى السربنتينة بتسرب .. قاللى رجعهالو , رجعتها و لحمها و ادهالى .. و كبَس لقاها بتسرب من نفس المكان .. المهم رجعتهاله .. مكنش عندة تانى استيراد .. قاللى متاخد سربنتينة جديدة بلفلتر بالبريشر جداد كلهم .. بكام يعم .. ب 800 جم :dzy: قلتله هاتها و دى كانت اخر فلوس معايا .. و مشيت , ركنتها فى البيت فى كرتونتها و فقدت الامل فى انى اركب تكيف دلوقتى خااالص .. فى النص كدة .. كانت مروحة التابلوه اللى هى الكويلر تقريبا والله اعلى بأسمها ..مش شغالة , روحت لعم احمد الكهرائى قاللى نحلها و نشوف .. حلها لقاها قفشة من التراب حد سبراى كدة و وصلها دايركت بالبطارية اشتغلت صاروخ .. ركبها و بيجرب لقاها ضعيفة قاللى العيب فى المقاومة بتاعتها و عشان هى منها فيها فالمروحة هتتغير كلها . بكام يعم ؟ 150 - 200 جم .. طبعا قلتله ان شاء الله ابقى اغيرها و اى كلام :w6w2005041122053268 ..بقت شغالة بس الهواء ضعيف اوى .. امبارح بقى قررت انزل اعمل التكيف مع نفسى كدة رحت واخد السربنتينة و رايح لبتاع تكيفات فى مدينة نصر .. راح مركب السربنتينة و كابس لقى فيه تسريب فى ماسورة كدة .. غيرها ب 40 جم و كبَس ملقاش تسريب الحمد لله .. قال نشحن ..بيشحن الكمبرسور مش بيلقط :01F6EB~150: كملت !! .. بيبص تحت كدة لقى توصيلة الكهرباء مش وصلالة و لقى الضفيرة كلها متقطعة , قاللى هنعمل ضفيرة كاملة تانى و دى هتتكلف 200 جم خامات بمصنعية ( هو كهربائى و بتاع تكيف ) قلتله بكرة ان شاء الله .. و مشيت وانا قرفان و طهقان و مش عايز تكيفات .. المهم رحتله النهاردة سيبتله العربية و استلمتها على المغرب كدة و الحمد لله التكييف ثلااااجة مكنتش متوقع كدة ما شاء الله بس العيب فى المروحة و دى لقينالها حل نص كم كدة بس شغال الحمد لله .. وصلى سلك ارضى بتاع المروحة كل اللى بعمله انى اول ما شغل المروحة اروح ملمسه فى الولاعة كدة المروحة تشتغل صاروخ .. والحمد على كدة .. كنا فين و بقينا فين .. صدعتكوا انا عارف بس اعمل ايه بقى .. دة تكيييف يا جدعان فى عز الحر :w6w2005041122053268 .. الحمد لله