|
مساعدة فى نقل ملكية السيارة للتوضيح
السلام عليكم
بفضل الله ربنا أكرمنى بعربية لادا موديل 82 - 1300 CC, اشتريتها مستعملة بعقد بيع مسجل من الشهر العقارى (و لم أوقع علية كمشترى), و صاحبها إدانى شهادة مخالفات. و أدانى الرخصة بتاعتها ( سارية) و قاللى دى بديل لشهادة البيانات. هو مرور الوراق (الجيزة) و أنا فى المعادى (القاهرة). - كنت عاوز أسأل عن الإجراءات اللى المفروض أعملها علشان أجيب الملف من مرور الوراق للمعادى, و موضوع اللوحات المعدنية اللى هتتغير هيكون إمتى , و الكلام ده لازم مع الفحص و لا ممكن قبله . و لو فى إجراءات المفروض أعملها؟؟؟؟؟؟ معلش بطّول عليكم بس معلوماتى فى الإجراءات دى .......:ROFL_C~118: |
رد: مساعدة فى نقل ملكية السيارة للتوضيح
هاتطلع على مرور المعادى
ومعاك طفاية وخلافة تجيب نموذج فحص من الخزنة وتملى بياناتة ترفق مع نموذج الفحص اصل عقد البيع المسجل وصورة من البطاقة الشخصية واصل الرخصة وشهادة المخالفات الحديثة وتحطهم كلهم فى دوسية تروح تدفع التامين الاجبارى حسب الرغبة سنة او 3 سنوات تروح تختم ورقة شهادة صلاحية الطفاية تشوف العامل اللى بياخد البصمة ويجى يرفعلك البصمة وبعدها تختم الورق من مهندس الفحص تتوجة الى الشبابيك وتراجع الورق وهايدفعك الضريبة على حسب سنة او 3 سنوات وتتعامل بقى مع المتغيرات مثل ممكن يطلب منك تطابق بصمة فى مرور الوراق ممكن يديلك تصريح بـ 3 شهور ممكن تخلى النمر القديمة او يدفعك نمر جديدة كل دى متغيرات على حسب نظام المرور لان مش بيشتغلوا بقاعدة ثابتة |
رد: مساعدة فى نقل ملكية السيارة للتوضيح
يعنى من كلام حضرتك كده يبقى أنا دخلت فى إجراءات الفحص؟ يعنى لازم أكون مضبط العربية للكشف عليها و لا نقل الورق و الملف ده مش محتاج تضبيط دلوقتى - هيا لسه فيها شوية شغل سمكرة و دوكو؟
|
رد: مساعدة فى نقل ملكية السيارة للتوضيح
اقتباس:
لو حضرتك مرور البساتين ( على الاتوستراد تحت الدائرى ) متعملش حاجة و50 جنية لمهندس الفحص هيظبت الدنيا كلها ومش هيخليك تعمل مطابقة فى الوراق والف مبروك على العربية |
رد: مساعدة فى نقل ملكية السيارة للتوضيح
اقتباس:
يعنى لازم تفحص العربية لو فيها شغل بسيط حاول تلمة وروح المرور وربنا هايكرمك بامر الله |
| الساعة الآن 08:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017