|
ما هي الحقيقه في لحام صاج السياره من الناحيتين
السلام عليكم اعضاء المنتدي الكرام الموضوع زي ما باين من عنوانه انه غريب شويه الموضوع انه انا كنت قاعد مع واحد سمكري بس راجل صنيعي والراجل ده كان شغال في السعوديه لما كنا في السعويه انا والعيله المهم كنا بنتكلم عن موضوع لحام السيارات و لحام النصين فهوا قالي حاجه انا استغربت منها اوي قالي ان الناس في مصر لما بتيجي تصلح عربيات غالبا الي بيعملها هما تجار وده بيبقي عايز يكسب ومش يهمه ان العربيه تتعمل كويس وقالي انهم بيعملو لحام الصاج شفه قصاد شفه بالالتقاء وده طبعا يبقي اللحام ضعيف مش زي الفبريكه طب ده واحنا عارفينه امال ايه النوع التاني ايه بقي....... قالي ان هوا لما كان شغال في السعوديه كانوا بيعملو اللحام الصاج شفه علي شفه و طبعا اللحام في الحاله دي بيبقي من فوق ومن تحت وغير كده كمان انهم بيعملو تدبيس للصاج بماسمير من نوع معين وقالي ان نوع اللحام ده اسمه ( انتر كت) وقالي ان اللحام ده مكلف شويه بس بيبقي أأمن من اللحام العادي وايه كمان بيقولي انه بيبقي زي الفابريكه وفي بعض الحالات احسن منه كمان علي حد كلامه وكمل برضو باقي مفاجاءته قالي ان مره والدي عمل حادثه بالعربيه و والدي خد العربيه و و ادهاله و قالي ان هوا الي صلح عربيتنا لانه ركب لها نص خلفي بنفس طريقه اللحام والصراحه كنا بنسافر بالعربيه دي من جده لمكه ومن جده للمدينه والعربيه ما شاء الله لم يظهر فيها اي مشكله طوال فتره تواجدنا في السعوديه وظلت معانا لمده 5 سنين لغايه ما والدي باعها قبل ما ينهي عمله ويرجع مصر وهوا طبعا قال للي اشتراها انها مركبه نص خلفي العربيه كانت تويوتا كرولا موديل 93 فا انتوا رايكوا ايه في الموضوع ده خصوصا ان انا أثق في كلام الراجل ده جدا لانه صنايعي جدا و قريبي كمان |
رد: ما هي الحقيقه في لحام صاج السياره من الناحيتين
اقتباس:
|
رد: ما هي الحقيقه في لحام صاج السياره من الناحيتين
متابع باهتمام
|
رد: ما هي الحقيقه في لحام صاج السياره من الناحيتين
انا اسمع ان لو العربيه اتغير فى نص او حتى ربع مستحيل تبقا ثابته زى ما كانت والله اعلم بس يعنى انته تقصد ان ممكن الحام ده يفك مع المطبات والهبد والرزع اللى فى شورعنا او لو تعرض لخبطه جامده ولا ايه |
رد: ما هي الحقيقه في لحام صاج السياره من الناحيتين
اقتباس:
الصراحه الموضوع كان غريب بالنسبه ليا شويه لاني كنت عارف انا اي عربيه بيتم فيها تركيب نص خلفي مثلا مكان اللحام بيكون اقل في الكفاءه من الاصلي بس الراجل لما قالي ان عربيه والدي عمل بيها حادثه وانه هوا الي مصلحها بنفس الطريقه دي استغربت لاننا العربيه دي والله ما شاء الله كانت تمام وما مظهرش فيها اي اعطال وكمان قعدت مده معانا 5 سنين ولم يكون هناك اي مشاكل في الصاج او قوته بالعكس وكمان انت عارف ان السعوديه الطرق كبيره و والدي كان بيمشي مسافات كبيره علي سرعات عاليه وكنا بنسافر فيها ولا كان فيها اي مشكله وطبعا في بلد زي السعوديه العربيه هناك ايدك ورجلك ولو كان فيها عيب كان والدي باعها من زمان بالعكس لما والدي انهي عمله بالسعوديه وقرر الرجوع نهائي لمصر من الحاجات الي كانت مزعلاه انه هيبيع العربيه دي لانها كانت عزيزه عليه اما موضوع اللحام ده فالعادي هوا اللحام الي انا قولته ده بيبقي ضعيف وعرضه للفك تحت اي ضغط عالي من مطربات او اي حاجه تانيه بس نوع اللحام التاني الي هوا قالي عليه اللحام بيبقي من الناحيتين من فوق ومن تحت لان طبيقتين الصاج ملحومين علي بعض مش قصاد بعض وده معناه ان في لحام من فوق ولحام من تحت (لحام مزدوج) وكمان بيقويه بانه يدبسهم (اي طبقتين الصاج )ببعض بنوع معين من المسامير شاكرررررررر لمروركم |
| الساعة الآن 06:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017