استفسار فى جولف فور عن الار بى ام
 

السلام عليكم
انا جديد فى الجولف وجبت جولف فور 1999 متسقط فيها متور 1800
عايز اعرف الار بى ام كده لحد 7
ده ماشى مع المتور ولا فى تانى بعد ال 7 بس ميش مكتوب
والغيرات المفروض عند سرعات كام مثلان امشى على الاول ولا لاء والتانى لحد 40 ولا اقرص عن كده
ولو فى مكانيكى كويس ميش حرامى يكون قريب من الجيزة
وشكرا

رد: استفسار فى جولف فور عن الار بى ام
 

متقلقش اصل عشان توصل ل 7000 rpm لا قدر الله الماتور حيبوظ انا عارف انه ماتور كبير بس صدقنى كفاية عليه 6000 rpm ( دا يعنى للشديد القوى ) و حتلاقيك من نفسك عايز تنقل عشان حتحس ان الماتور حيفرقع حكاية النقلات دى حسب طبيعة سواقتك يعنى عايز توفر بنزين و تطول عمر الماتور ؟ و لا عايز تشد و تحرق ؟

رد: استفسار فى جولف فور عن الار بى ام
 

الا شكرا ع الاهتمام
انا عايز اوفر بنزين واحافظ ع المتور
وتانى حاجه انا قصدى ان الار بى ام مظبوط ع المتور والار بى ام ده بتاع 1400
وال 1800 المفروض يكون 8 ار بى ام
يعنى لما اكون 6 ار بى ام بيكون فعلان 6 ولا اقل عشان المتور 1800

رد: استفسار فى جولف فور عن الار بى ام
 

عندك حق فى حكاية العداد ديى الصراحة معرفش
و الله اعلم لو فيه حد عنده جهاز نبضات ضوئى ( اوسيلوسكوب - او ساعات يسموه ستروب لايت) ممكن يقيسلك ال rpm الفعلى و تقارنه بعدادك


بالنسبة للنقلات للقيادة المعتدلة
الاول اخره 20
الثانى ل 40
الثالث ل 60
الرابع ل 90 لو فيه خامس لكن لو مفيش خامس يبقى الرابع لاخر سرعة