أريد المساعدة فى شراء لوجان اوتوماتيك
 

السلام عليكم

أنا امبارح سألت عن لوجان أوتوماتيك 2012 في المصرية للسيارات وسمير ريان والاتنين قالولى مش موجودة . هى العربية دى اختفت ليه؟
و حد يعرف ممكن ألاقيها فين أو امتى هينزل منها تانى؟ انا من القاهرة

عندى سؤال تانى بخصوص ثمن العربية . في "كونتاكت كارز" لوجان اوتوماتيك تمنها 78900 جنيه . ده طبعاً اكيد من التوكيل . السعر في المصرية او سمير ريان هيبقى أعلى من كدة ؟ وأعلى بكام تقريباً؟

رد: أريد المساعدة فى شراء لوجان اوتوماتيك
 

هيا ما اختفتش لكن كل الكميات منها اتباعت ومستنينين العربيات الجديدة لما تجيلهم من الجمارك
اما بخصوص الاسعار فطبعا معروف ان اسعار المصرية بتبقا ارخص من التوكيل لكن سمير ريان معرفش بصراحة
ةتقبل تحياتي

رد: أريد المساعدة فى شراء لوجان اوتوماتيك
 

غريبة . الراجل اللى سألته في المصرية قال انها بـ 82000 . يعنى اغلى 3 ألاف جنيه من التوكيل

رد: أريد المساعدة فى شراء لوجان اوتوماتيك
 

غريبة دي
بس العربية في التوكيل 78900 جنيه
وخش على كونتاكت كار لو مش متاكد
حاجة غريبة والله

رد: أريد المساعدة فى شراء لوجان اوتوماتيك
 

العربية عند الوكيل بس بالسعر ده بس حلني، ولا أربع شهور على ما تستلم. ﻷن كل الكية بتتباع للموزعين وهي لسه في عرض البحر، فطبعا بيعلو السعر ﻷنها مش متوفره غير عندهم. يبقى بقه إنك تدور على أحسن سعر.

من تجربتي المصرية كان أغلى واحد وفعلا كان سعره 82000 من شهرين كمان، بالنسبالى في إسكندرية أحسن موزع هو الطارق وكنت شاريها منه ب 80000 وهو أسرع واحد بيوفرها في إسكندرية لأنه بياخد معظم الشحنه. بصراحة بالنسبة ﻷقاهرة مش عارف، بس أظن سمير ريان و زكي أحن موزعين حسب قرايتي في المنتدى.