مصر موتورز مجتمع السيارات - بعد غسيل السيارة ... عربيتي مش واخدة على الغالي :(

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - بعد غسيل السيارة ... عربيتي مش واخدة على الغالي :( (https://www.masrmotors.com/vb/showthread.php?t=90775)

بعد غسيل السيارة ... عربيتي مش واخدة على الغالي :(

بعد ما غسلت العربية الظاهر والله اعلم الراجل نقعها في مية لأن بدأت تهيس مني ... عربيتي لانوس 2008 ومن ساعة ما اتغسلت والساعة بقت مش ظاهرة كويسة كل الارقام مش واضحة والكلاكس مرة يشتغل ومرة واحد وواحد وازاز العربية كهربا بدأ يتحرك ببطء عن الأول ......... وديتها لكهربائي قالي لما تنشف هتتظبط بس هيا بقالها يومين وانا راكنها في الشمس ناار ومفيش فايدة الساعة ظهرت شوية بس لسا بايظة والام بي ثري بيعلق والكلاكس برضه مش عارف يعني استنى شوية كمان وله اعمل ايه :(
دي اول مرة اغسلها من جوة واظبطها طول عمري بشقلبها من برة وبتبقى زي الفل :cry2W9:

رد: بعد غسيل السيارة ... عربيتي مش واخدة على الغالي :(

ده عيب العربيات مش واخدة على النضافة
سيبها يا باشا كام يوم لان اكيد شربت ميه لما شبعت
ولما كل حاجة ترجع تمام ياريت تقولنا عشان نطمن ونستفيد

رد: بعد غسيل السيارة ... عربيتي مش واخدة على الغالي :(

اقتباس:

المشاركة الأصلية كتبت بواسطة eaglenest (المشاركة 705095)

معلش حاول تروح لحد معاه كمبريسور هوا وتنفض الأجزاء اللى فى الضفيرة اللى عبت مياه

رد: بعد غسيل السيارة ... عربيتي مش واخدة على الغالي :(

المفروض كونت نظفت العربيه من جوه بالهوا هما بيبقى عندهم كمبريسور بيضخ الهوا هينظف العربيه على الجاف

و فى نفس الوقت كونت غسلتها من بره بالميه عادى
دى معلومه ليك تبقى تعملها مستقبليا

مشكلتك دى شكلها لخبطه فى دايرة الكهرباء فى السياره

فانت روح لكهربائى و شوف هيقولك ايه

تحياتى

رد: بعد غسيل السيارة ... عربيتي مش واخدة على الغالي :(

بص حضرتك يا باشا موضوع اللخبطة ده اعرفه كويس جدا بس فى السيارات القديمة اللى على كربراتير وانت بتسخن الصبح تبقى مهايسة أول متسخن تبقى تمام أما لو غسلت السيارة واللى كان بيغسل مبيفهمش وحط وتحت كلمة مبيفهمش ميت خط هو زى ما قال الأعضاء المحترمين دائرة الكهرباء وصل لها مياة يبقى حضرتك تفتح الكبوت وتجيب قماشة وتحاول تمسح كل الأسلاك الكهربائية وكل شئ تستطيع تمسحه وترجعه تانى مكانه وتروح بنزينة وتخلى المسئول عن الكمبروسور الهواء يديهالك واحدة حلوة أوى علشان لو فى بقايا لأى نقطة مياة تتنطر من مكانها وحاول تركن السيارة فى الشمس وتكون واقف على منحدر شديد أو متوسط علشان المياة تنزل من العربية تمام وديه معلوماتى وخلفيتى يا باشا وأن شاء الله بسيطة متقلقش حصلت كتير معانا بالكتير أوى أسبوع وتظبط.
وأرجو أنى أكون قدرت أفيد حضرتك.
وكل عام وحضرتك بخير.

أخوك محمد