|
الماكينه ( الماتور ) خفيفه هل بعد العمره برده تبقى خفيفه
دلوقتى أنا قررت أتوكل على الله وأركب تكييف للعربيه fiat 128 بس 1100 cc
وفيه أخ كريم قاللى طالما الماكنه خفيفه يبقى الحراره هتبقى فى العالى نتيجه الحمل على الماتور فهل لما هعمل عمره كامله للماتور أيه الحال هل الماتور هيستحمل التكييف فى الصيف والحر بدون مشاكل إرتفاع درجه الحراره وبدون ما أغير مروحه الريداتير وشكرا |
رد: الماكينه ( الماتور ) خفيفه هل بعد العمره برده تبقى خفيفه
معنى انك تعمل عمرة يعنى انك ترجع الماتور لسابق عهده وتخليه يبقى تمام وخلاص بقى مش هيبقى خفيف ولا حاجه هيبقى تمام وزى الفل الماتور لو هتركب تكيف بنسبة 80% انك لازم تغير مروحة الردايتير لواحده اقوى علشان تشيل الحرارة الزائده الناتجه عن التكيف ومادام المروحة تؤدى عملها مظبوط والحرارة مش بتزيد عن 95 او عن نصف المؤشر يبقى خلاص شغل التكيف 24 ساعه ولا يهمك بس لو لقيت الحرارة بدائت تزيد يبقى طبعا لازم تطفى واكيد بيبقى فيه سبب لمشكلة الحرارة وفى الاغلب مروحة قوية غير بتاعت ال 128 مع التكيف هتظبط الاداء فى اعز الايام حرارة وانت مشغل التكيف كمان بس لازم تركب وحدة تكيف داخلية (ثلاجه) الى عمله زى التكيف الاسبليت اللى حضرتك شوفتها فى موضوع التكيف وتعزل العربيه تمام علشان الهوا السخن ميجيش من بره لجوه |
رد: الماكينه ( الماتور ) خفيفه هل بعد العمره برده تبقى خفيفه
شكرا جزيلا للأخ sayed2077 مشرف مساعد فيات
على المشاركات والردود إللى فى محلها إللى بتحسسنى إن الدنيا لسه فيها خير وناس طيبه كتير أول موضوع عاملته على المنتدى كان بعنوان السلام عليكم ممكن أعرف إجراءات تغيير ماتور fiat128 فى المرور وكانت المشاركات الحمد لله عدد 6 فقط من عدد 203 مشاهدات وكان فيهم 3 مشاركات منى على 3 مشاركات من عضوين تفتكر العيب منى ولا من الآخرين:w6w20050411223637 6d شكرا |
رد: الماكينه ( الماتور ) خفيفه هل بعد العمره برده تبقى خفيفه
طيب انا عاوز اعرف حاجة هو موتور 128 1100 cc ينفع يركب عليه تكيف اصلا .... يعنى يستحمل
|
رد: الماكينه ( الماتور ) خفيفه هل بعد العمره برده تبقى خفيفه
والله هو كان فى تجربة لعضو معاه شاهين ركب تكييف على موتور شاهين 1300 سى سى والتكييف مش مأثر اوى على الماتور والصنايعى قاله عادى ممكن يركب على الفيات 128 وكان نوعة ساندن يابانى وتكلفتة 3000 جنيه بس بيقول ثلاجة
|
| الساعة الآن 10:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017