اللى عنده كلمه.. يلمها..!!
 

قبل ماتفهمونى غلط ..ده مش كلامى..
ده كلام واحد شفشقجى..صاحب محل تجارى فى منطقتنا ..وهو تاجر شبه بلطجى ..كان واخد الدنيا بالدراع أيام المخلوع .. ولما قامت ثورة 25 يناير لم نفسه تماما وبعد ماكان بيفترش الطريق ببضاعته ..اصبح يكاد لايفتح إلا قليل وبالليل فقط ..ولكن بعد حوالى ثلاثة اشهر من الثورة رجع تانى يبلطج ولكن أخف شوية وبعد ما شفيق رشح نفسة .أصبح مسعور علينا ..وعاد أسوأ من الأول..وحط صورة ضخمه لشفيق بعرض الشارع ولهف نصف الشارع تحت اليافطة ..واللى مش عاجبة يشرب من البحر.. وقال بكل وضوح أنا هنتخب شفيق لأنى عارف سكته وهيرجع حبايبة الحلوين تانى (أمن الدوله والبلطجيه)
ولكن الله أكبر والحمد لله ..ظهرت النتيجة الشجية التى اثلجت صدورنا جميعا ..وأول حاجة عملتها انى نزلت للراجل ده ومعايا علم مصر وصورة للدكتور مرسى رئيس مصر العظيمة ..ومش قادر اقول لكم شكل وش الراجل ده ..لقد نزل علية غضب ربنا واسود وشه ويكاد لا يستطيع الوقوف على رجلية ..وبسرعة أول ماشافنى لم بضاعتة وقفل محله ..وقبل ما أقول له أى حاجه قالى ..اللى عنده كلمه يلمها ..فضحكت بشدة ومشيت ..رغم انى كنت ناوى أقول له ان مرسى وشفيق مصريين ..ومش معنى اختلافهم..يعنى نكره بعض..لكن بينى وبينكم قلت له فى سرى طظ فيك...هههههههههههه
الحمد لله الحمد لله الثورة انتصرت.. ودم الشهداء مش هيروح هدر بأذن الله ..

رد: اللى عنده كلمه.. يلمها..!!
 

الحمد لله ...
:140109~347:

رد: اللى عنده كلمه.. يلمها..!!
 

فعلا كلامك مضبوط ودا حال كل البلطجية والصيع
لكن مينفعش نبالغ ونصدق الراجل دا
النظام السابق لن يعود ابدااااااا
حتى لو كان شفيق هوا اللي فاز
اعادة انتاج النظام السابق مستحيلة
وعصر البلطجية وامن الدولة انتهى خلاص
والثورة مستمرة على كل حاكم ظالم قادم والميدان موجود
وفي الاخر كلنا مصريين وشفيق ومرسي مصريين
وايا كان اللى فاز لازم نحترم الصندوق ونتعاون معاه
وطبعا مرسي هو اللي فاز فلازم نحترم الصندوق حتى لو لم نكن نحبه
ونتمنى من الله ان تتحقق النهضة الشاملة لمصر
وتصبح اكبر دولة في العالم
وتبقى ام الدنيا فعلا
وشكرا SLAM

رد: اللى عنده كلمه.. يلمها..!!
 

وما النصر الا من عند الله :286::286:

رد: اللى عنده كلمه.. يلمها..!!
 

وعايز منك تروح انت واهل المنطقة وتحاولو تغيرو في اخلاقو وتطلعوة من الوحدة والكبت دة . لانة اكيد دلوقتي في وضع المنكسر . فلازم نوحد انفسنا جميعا مع بعض
فكر في كلامي وعيدو علي اهل المنطقة