مصر موتورز مجتمع السيارات - أدخل وشوف>>> فيروس خطير يصيب اغلبية السواقين فى مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

أدخل وشوف>>> فيروس خطير يصيب اغلبية السواقين فى مصر

الكلاكس اللا إرادى
فيروس خطير اصاب معظم الشعب المصرى
تحول الكلاكس أو التلاكس أو الطياط (طبعاً المسمى بيختلف من شخص لأخر) من ألة تنبيه الى وسيلة ازعاج واصبح استخدمها لا إرادى بدون اى اسباب.
طبعاً المرض ده متفشى فى كل سواقين الميكروباص والنص نقل وغالبية سائقى التاكسى والموتوسيكلات والفيسب لحد ما وصل للملاكى.
المهم انى حاولت كتير انبه بعض السائقين بطريقة محترمة وزوق ولكن المفاجاة ان معظمهم مقتنع ان اللى بيعمله ده هو الصح.
مره كنت راكب مع سواق تاكسى وقعد يزمر للعربية اللى قدامه لغاية لما عدى منها بالرغم من إن العربيه كانت فى حارة تانية ومش معترضة طريقه نهائى فحاولت اوجهه او اسأله عن سبب كلاكساتة الكتيرة للعربية اللى ماشية بعيد عنه ربما يكون بابه مفتوح او عنده عجله نايمه أو أى حاجة تانية انا مش شايفها بس لقيت الرد مختلف تماما عن كل توقعاتى ولقيته بيقولى بصحصحه يابيه علشان ياخد باله وميفكرش انه يكسر عليا ،،،،طبعاً بلعتها وقولت وجهة نظر برده بس الغريب انه عمل نفس الحركة بس مجموعة كلاكسات متقطعة بين كل كلاكس والتانى 3 ثوانى والداهية ان ماكانش حد ماشى فى الشارع خالص غيرنا ....طبعاً سألته باستغراب عن استخدامة للكلاكس وطبعا رد وقالى بسلى نفسى.... المهم بعد حوار طويل لم اصل معاه لنتيجة او حل.
ياريت يا جماعة اللى عنده حل أو اقتراح او علاج للمرض اللا ارادى ده يتفضل يشارك معانا ويمكن من هنا تبدأ حملة توعية وربنا يجعلنا سبب فى الحد من انتشار هذا الوباء .
وكمان حتى لو حد فينا اتنقله العدوى يلحق يتعالج :fun_10_9_206[1]:

رد: أدخل وشوف>>> فيروس خطير يصيب اغلبية السواقين فى مصر

و الله فعلا المشكلة دي بقت موجوده و بدات تتفشا بطريقة غريبة اوي بين المصريين
و المشكلة دي مواجده عندنا في المنصورة بشكل كبير جدا و انا نفسي ساعات بحس اني اخدت عدوا منها
بس مش بامشي في شوارع فضيه و ازمر كده و خلاص . بستخدم المرض ده لما يكون في ظرف طارىء بس

و ياريت فعلا حد يشوف علج للظاهره المتوسعه دي علشان الموضوع ما يفلتش مننا يا جماعه

:Bravo:
شكرا ً لصاحب الموضوع

رد: أدخل وشوف>>> فيروس خطير يصيب اغلبية السواقين فى مصر

انا نفسي اركب حاجة زي دي في الزجاج الخلفي:tng::tng::tng:
:hehehe::hehehe:

رد: أدخل وشوف>>> فيروس خطير يصيب اغلبية السواقين فى مصر

انا الحمد لله لما كنت بتعلم سواقة اللى علمنى قالى تمسك حارة متتنططش حتى لو الطريق فاضى وتنسى ان معاك كلاكس

بس للاسف الظاهرة دى عشان نعالجها لازم نعرف اسبابها ايه فى الاول ممكن تكون الطرق ضيقة او الزحمة او الكبت النفسى عند المصريين والله اعلم

رد: أدخل وشوف>>> فيروس خطير يصيب اغلبية السواقين فى مصر

اقتباس:

المشاركة الأصلية كتبت بواسطة A7MED NASSER (المشاركة 700290)

افهم من كده ان المنصورة كمان مصابة بالوباء ده.... ربنا يستر على باقى المحافظات
وشكـــــــــراً لمشاركتك يا استاذ احمد :GROWIN~12:

اقتباس:

المشاركة الأصلية كتبت بواسطة amr elsisi 1 (المشاركة 700294)

انا نفسي اركب حاجة زي دي في الزجاج الخلفي:tng::tng::tng:
:hehehe::hehehe:

على فكره هتبقى جامدة قوى فكرة الزجاج الخلفى دى....وهتبقى انت اول واحد عملها يا عمرو بك هههههههه :hech:

اقتباس:

المشاركة الأصلية كتبت بواسطة محمد عبد النور (المشاركة 700295)

انا بيتهيألى يا استاذ محمد انت كده قدمت حل ممتاز فى وسط كلامك: اللى هو المدرب اللى بيعلم السواقة عليه عامل كبير جداً . فى منع او تفشى المرض ده :clapW15: