صيانه 30,000
 

مساء الخير
المفروض كنت اعمل صيانه ال 30,000 او سنتين في التوكيل و للاسف هما مصرين علي تغيير السيور و انا رافض لاني عامل 27000 فقط و بالتالي رفضت اعمل الصيانه

ف انا كده هخرج من الضمان و معنديش اي فكره ايه افضل مكان ابتدي اتابع معاه يعد كده ؟ و يكون ثقه ؟ و ارجعله لو عندي اي مشكله !!

السؤال التاني : هو المفروض اغير زيت الفتيس ؟ لاني سمعت كلام عن زيت تخزين او حاجه زي كده !!
و لو هغير اجيب زيت ايه ؟ و كام كيلو ؟ و تمنه كام ؟

السؤال الثالث : المفروض اغير ايه في ال 30000 ؟؟؟ غير زيت الموتور و لو هغير زيت الفتيس كمان !
ايه تاني يتغير ؟

السؤال الرابع : صوت العربيه بقي عالي شويه و بترج زياده شويه لو ناقل بدري , مش مرتاحه قوي ! مع انو كان زمان عادي جدا , بس دلوقتي بحتاج ادوس بنزين اكتر ! و لو جريت و سبت البنزين فجاه بيبقي في زي صوت صفاره كده او تنفيس و يختفي مجرد ادوس بنزين تاني !! دي مشكله سير ؟ ولا شكمان ؟ و لو رحت ل ميكانيكي اخليه يبص علي ايه ؟

السؤال الاخير : بديت احس ان عزم العربيه علي الاول ضعيف شويه , ده غير ان الدركسيون فيه هزه خفيفه كده و العربيه دايره و بتروح لو دست سنه بنزين صغيره , و الهزه بتزيد و تبقي ملحوظه لو شغلت التكييف و انا واقف !! ناس قالت دي كهربه بس بلاش تلعب فيها .
المفروض ارجع التوكيل تتحط علي الكمبيوتر ؟ بس انا مش عايز ارجعله , من يعمله بره الضمان ؟

انا اسف جدا علي الاطاله بس انا كنت متابع مع التوكيل علطول ف معلوماتي عن العربيه ضعيفه جدا مع انها معايا من سنتين http://www.speranzaclub.com/forum/st...ault/smile.gif

رد: صيانه 30,000
 

فى مركز اسمه المتحده ع الدائرى هرم عنوانه هتلاقيه هنا فى الموقع بصراحه بيفهموا وشغلهم كويس عن تجربه بس هما مش مركز معتمد عشان موضوع الضمان يعنى. ممكن تسأل عن مراكز الخدمه المعتمده زى اللى فى الدقى او جسر السويس

رد: صيانه 30,000
 

هل انت غيرت البوجيهات قبل كده ولا لا
واللي انا عارفة ان تغير زيت الفتيس عند 30 الف او كل سنة
المية الخضراء المفروض تتغير كل 30000
البوجيهات كل 20 الف
سير الكاتينة كل 40 الف
وللاسف انا من دمياط ومعرفش اماكن في القاهرة