مصر موتورز مجتمع السيارات - عايزه مساعده بسرعه في شراء 128

اللهم صلى على سيدنا محمد وعلى آله وصحبه

استخيرى ربنا الاول

ولما يستريح القرار فى قلبك

وتتوكلى على الله

خدى معاكى حد بيفهم

ويتقى ربنا فى نفس الوقت

سواء قريب

او معرفة

العربية تاخديها لسمكرى وميكانيكى علشان يقولوا كلمة حق

وخدى بالك من الحوارات اللى بيعملوها علشان يرزقوا من وراكى

تكشفى على أساسيات العربية

العفشة والصاج

والموتور

والكاربيراتير قديم متهالك ولا تمام

وكمان اتاكدى ان الموتور تمام مش متلصم علشان يتباع

وبعد كده

اطلعى بالعربية وجربيها

مرة واثنين

وشوفى انت مستريحه معاها

وشوفى سواقتها بالنسبة ليك ممتعه

وكده كده الكمال لله

انت بتحاولى تقللى كمية المصاريف بعد الشراء

افحصى العربية على قدر ما تقدرى

علشان ما تديش فرصة لحد يضحك عليك

والافضل تاخديها لميكانيكى واثنين

وعن تجربه

لازم هتلاقى عيب او قطعة مستهلكة

لازم كده

دى عربيات مستعمله

مستهلكة

وانصحك بموديل أوائل التسعينات

بس هيكون اغلى حبتين

وياريت تكون 1300 سى سى مش 1100

وربنا يوفقك