زيت الباور ستيرنج PSF-3
 

يا جماعة الخير.

أنا عندى ماتركس 2001. زيت الباور ناقص شوية وقلت أشترى وأزوده. اليوم كنت هشترى زيت مش عارف ماركته ولا نوعة وقالى الراجل انه 25 جنية. الحمد لله كنت ناسى المحفظة فلم أشتريه. ولما رجعت قلت أبص بصه على النت عن أحسن الأنواع ولكن لقيت الحكاية كبيرة يعنى مش كل العربيات بتستخدم نفس نوع الزيوت

فى الكتالوج بتاع السيارة بتاعتى وجدت ان الزيت المناسب للسيارة هو ( PSF-3) طبعا حاولت البحث عن النت للتعرف على كل ما له علاقة بزيت الباور. فلم أجد معلومات عن هذا النوع من الزيوت ما عرفته انه لم يعد ينتج وأن الكثير من أصحاب السيارات القديمة نوعا ما يبحثون على زيت بور ستيرنج مناسب يساوى هذا النوع من الزيت الذى لم يعد يستخدم.

فى ناس بتقول أن زيت الباور هو نفسة زيت الفتيس الأتوماتك. وبالعض الناس تقول أنه الزيت بتاع الباور بيكون أحمر وناس تقول لا دة لون صافى. ناس تقول Dextron II هو هو زيت PSF-3 وناس تقول انه Dextron III. أنا أحترت وقلت أسأل الناس الخبرة هنا يمكن يدلونى..

وياريت نعرف هل هناك أنواع من زيت الباور وما هى ههذه الأنواع وأفضلها للسياره


أقول لكم حاجة أنا حاسس أن كلمة PSF - 3 هى حروف اختصار لكلمة Power Steering fluid - 3 يعنى لم يحدد نوع زيت معين ولكن حدد درجته وهى 3. مش عارف اعمل ايه

متشكر جدا

رد: زيت الباور ستيرنج PSF-3
 

المتوفر في السوق المصري .. هو موبيل و ايسو و احيانآ لو حظك حلو بتلقي الماني او امريكي لكن غالبآ بيجي في براميل .. بس زيت خرافي .. انا كنت بتعامل مع واحد جتله في شحنة زيت برميل بور الماني .. مشاء الله علي زيت دهب لكن للاسف مقعدش خلص علي طول .. فاللي هتلقيه هو موبيل و اسو .. و تلقي المصري ..للاسف لازم اقولك ابعد عنه تمامآ ابو 10 ج ..


و زيت البور استرينج هو نفسه زيت الفتيس و لونه احمر ..

رد: زيت الباور ستيرنج PSF-3
 

متشكر جدا// هو الراجل قال لى ان التر ب 25 جنية. ومش قال لى نوعة. اول مره أعرف ان الزيت السايب فى براميل بيكون حلو.

رد: زيت الباور ستيرنج PSF-3
 

مش شرط يكون في برميل او في علب .. المهم تكون الجوده و مواصفات المصنع و بلد المنشاء ..يعني عندك مثلآ زيوت المحركات الرياضيه ..بتيجي في براميل ..و اغلب الزيوت اللي بتيجي من بره بتيجي في براميل و بتتعبئ في جراكن في مصر ..لكن هي اصلآ بتيجي في براميل ... و فيه بعد التوكيلات بيجيلها الزيوت درجه اوله من بره .. و بحط عليها اضافات عشان تكبر الكميه .. و لو سافرت اروبا .. و اشتريت زيت زي توتال هتلقي ان الزيت مختلف عن اللي موجود في مصر .

رد: زيت الباور ستيرنج PSF-3
 

زيت الجير الاتوماتيك الاحمر هو نفسه زيت البور ستيرنج ويوجد نوعين فى مصر 24 وسعر اللتر 25ج
و32 وسعر اللتر 35ج
وايضاً يوجد زيت باور ابيض المانى وسعر اللتر 135 ج
والشائع استخدامة هو الزيت 24 انتاج موبيل وسعرة 25ج