|
شفيق من الاخر
و الله لا أفهم ازاي واحد كان بيقعد فى مجلس الوزراء كل أسبوع و جنبه الوزير اللى بيسرق و ينهب و هو شايف ويفضل ساكت، و الإنتخابات تزور 3 مرات و هو وزير و يفضل ساكت، و خالد سعيد و سيد بلال يتقتلوا و هو بيحضر إجتماعات مجلس الوزراء و ساكت، و السلب و النهب شغال و التعذيب فى السجون شغال و هو ساكت، و جمال مبارك بيدير البلد بدلا من أصحاب السلطة الدستورية و هو ماشى و مش فارقه معاه و ساكت.... والثورة تقوم ويمسك رئيس وزارة والمتظاهرين يتقتلوا وهو ساكت لا ويقول مبارك مثلي الاعلي ؟ يعني مثله الاعلي لص قاتل مرمي في السجن نفسى أفهم بأى وش يتقدم بعد كل ده و يطلب مننا يكون رئيس البلد و يؤتمن عليها إذا كان هو ساكت على كل ده و لا يراعى أى امانة على البلد، و مع ذلك مش هيا دى المصيبة. إنما المصيبة إن الشعب نفسه هو اللى يبقى معندوش كرامة و ينتخبه برده لو مؤيدوه عملوا مليونية واحدة زي اللي اتعملوا يبقوا فعلا موجودين وبحجم مؤيدي الثورة واروح انتخبه ولو معملوهاش يبقي اصواته كلها مزورة زي ما احنا متاكدين لو يعرفوا يعملوا له مؤتمر شعبي واحد وسط الشعب زي ما عمل باقي المرشحين من غير امن الدولة يبقي محبوب وانتخبه فورا ولو ما يعرفوش يبقي الشعب كله رافضه زي ما احنا متاكدين ويبقي لازم يرحل علشان مصلحة البلد ازاي اسيب واحد واحد بيحب المسلمين واجيب واحد بيحب اي حد غير المسلمين؟ ازاي اسيب حافظ القران واجيب اللي حيحذف القران؟ ازاي اسيب اللي حيطبق الشرع واجيب اللي مش حيطبقه ابدا؟ ازاي اسيب اللي حيديني حريتي واجيب اللي حيحبسني؟ ازاي اسيب واحد من الثوار واجيب اللي قتل الثوار ؟ ازاي اسيب واحد ما جربتوش واجيب اللي اتجرب واتشال بثورة؟ ازاي اعمل ثورة واشيل واحد وبعدين ارجع انتخبه؟ ازاي اسيب اللي ماطلبهاش وانتخب اللي مش طالباه طبعا حنتخب مرسي |
رد: شفيق من الاخر
يارب تكمل الثورة علي خير ويسقط شفيق ويبعد عننا للابد
|
رد: شفيق من الاخر
اقتباس:
|
رد: شفيق من الاخر
اقتباس:
ومين قال اني مرسي لو نجح تبقا الثورة كملت علي خير... علي اساس اني مرسي دة كان من ابناء الثورة مثلا ؟ او رشح نفسو نيابة عن الثورة او من الميدان . يا استاذي مرسي من ابناء تجار دماء الشهداء .. الاخوان .. دية معلومة معروفة للجميع مرسي ... لا يفقة شىء بالسياسية .. ولا بالاقتصاد .. شفيق اذا كان بيبوس ايد مبارك ... مرسي بيبوس ايد المرشد .. جماعة الاخوان المسلمين .. جماعة مرفوضة ومحظورة فالدين الاسلامي من الاساس .. وبشهادة انصار الدعوة السلفية .. ( دين الحق والدعوة الحق ) استني بس يلي بتقول الثورة هتكمل اول ما مرسي ينجح .. اتفرج علي التطهير بتاع مؤسسات الدولة شوف كدا الداخلية .. والعسكر .. والصحة ..الهندسة .. كل مؤسسات الدولة هتبقا اية ؟؟ والمصالح هتبقا فالجامع .. بدل الدرج ... ياعمنا خرباااااانة خربانة سواء شفيق ولا مرسي المــــــــــــيدان يكمل الثورة |
| الساعة الآن 07:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017