مصر موتورز مجتمع السيارات - عملت حادثه وارجو الرد السررريع

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - عملت حادثه وارجو الرد السررريع (https://www.masrmotors.com/vb/showthread.php?t=89079)

عملت حادثه وارجو الرد السررريع

السلام عليكم

عملت حادثه النهارده الحمد لله انها جت في الساج ومحدش اتأذى الرفرف اليمين اتفعس خالص فقررت اني اشد العربيه كلها عشان انا لسه جايبه وكنت ناوي اشدها اصلا المهم عندي اسئله كتير

رحت لبتاع السمكره والدوكو الي بنتعامل معاه قالي انه هيحتاج رفرفين وصدر وكبوت وقالي هات الليوغزلافي او الاللماني متجبش المشمشي عاوز اعرف بكام ومنين لو سمحتم وهوه قاله انه هيظبطلي الالحوض كطله لحمات ولون للعربيه كلها بس هيظبط النص الامامي فقط بـ2000 جنيه انا متاكد ان شغله نضيف هل كده كتير ولا ايه

ثانيا رحت بقي عشان الميكانيكي يفك الماتور ويخرجه قالي الماكنه خفيفه وهيه اصلا عندي بتسرب زيت كتير عن الكارتيره قالي غالبنا هتحتاج طقم شنبر عشان الماتور خفيف بس انا عندي مش بدخن ولا حاجه بس متركبلها خرطوم تحت الماتور كده ونفتوح من الناحيه التانيه وقالي ده الي بينقط زيت قالي الخرطوم ده اصلا المفروض يتوصل لعمة الماتور بس عشان هوه خفيف فحد ركبهولك كده هل الكلام ده صح ولا ايه عشان انا قلتله ممكن محتاج جوان ولا حاجه قالي لو ركبتله جوان هيضرب تاني مش عارف اعمل ايه انا عملت كل حاجه فالعربيه معادا المشكله بتاعة تسريب الزيت ديه ومش عارف اعمل فيها ايه بالظبط ارجووووو المساعده عشان لما يخلص السمكره والدوكو اسقط الماتور علي نضافه

شكررااااا

رد: عملت حادثه وارجو الرد السررريع

اولا الحمد لله على سلامتك ومادام جت الحدثه فى الصاج يبقى نحمد ربنا لان الصاج هيتعوض والف حمد لله على سلامتك

ثانيا : هل ممكن حضرتك تصور العربيه من جميع النواحى علشان نقدر نقيم على اد ما نقدر السعر هيكون كام وهل هتحتاج الرفارف والكبوت ولا لا

واعتقد السعر كتير بس انا لغاية دلوقت مشوفتش العربيه فيها ايه وعموما هو شد العربيه سمكرة بس لو هى سليمه بتبقى فى حدود 1000 جنية
فمثالا المفروض لو هيشدلك العربيه بالنص الامامى يبقى التكلفه كلها 2000 جنية

فياريت حضرتك ترفع صور العربيه علشان الناس الخبراء فى الصاج تقدر تحكم عليها افضل منى

ثالثا : بالنسبه للماتور هل الفايظ بيطلع دخنة زى دخنة السجاير كده ولا لا (الفايظ ده الخرطوم الى طالع من الماتور من تحت)
ثانيا يعنى ايه الجوان هيضرب المفروض مادام الجوان تمام خلاص عمره ما هيضرب فاعتقد فيه اشتغالة من الراجل الميكانيكى والله اعلم بالنفوس وهل ممكن تقولنا لو هيشدلك الماتور هيتكلف كام ؟

وان شاء الله كله خير باذن الله

رد: عملت حادثه وارجو الرد السررريع

اول حاجه الحمدلله على السلامه وقدر الله ما شاء فعل ثانيا كلام الاستاذ سيد صح :Bravo:

رد: عملت حادثه وارجو الرد السررريع

حمــدلله علي سلامــة حضــرتك ,, المهم انتي الحمدلله طلعـت سليم
علي رأي استــاذ سيد ياريت صور علشـان نقدر نحدد قيمـة الخسـاير في العربية

و1000000 حمدلله علي سلامة حضرتك

رد: عملت حادثه وارجو الرد السررريع

اقتباس:

المشاركة الأصلية كتبت بواسطة sayed2077 (المشاركة 690558)

اولا الحمد لله على سلامتك ومادام جت الحدثه فى الصاج يبقى نحمد ربنا لان الصاج هيتعوض والف حمد لله على سلامتك

ثانيا : هل ممكن حضرتك تصور العربيه من جميع النواحى علشان نقدر نقيم على اد ما نقدر السعر هيكون كام وهل هتحتاج الرفارف والكبوت ولا لا

واعتقد السعر كتير بس انا لغاية دلوقت مشوفتش العربيه فيها ايه وعموما هو شد العربيه سمكرة بس لو هى سليمه بتبقى فى حدود 1000 جنية
فمثالا المفروض لو هيشدلك العربيه بالنص الامامى يبقى التكلفه كلها 2000 جنية

فياريت حضرتك ترفع صور العربيه علشان الناس الخبراء فى الصاج تقدر تحكم عليها افضل منى

ثالثا : بالنسبه للماتور هل الفايظ بيطلع دخنة زى دخنة السجاير كده ولا لا (الفايظ ده الخرطوم الى طالع من الماتور من تحت)
ثانيا يعنى ايه الجوان هيضرب المفروض مادام الجوان تمام خلاص عمره ما هيضرب فاعتقد فيه اشتغالة من الراجل الميكانيكى والله اعلم بالنفوس وهل ممكن تقولنا لو هيشدلك الماتور هيتكلف كام ؟

وان شاء الله كله خير باذن الله

:Bravo::Bravo::Bravo: