|
تجربتى مع تغير قنطرة الفتيس وقعدة الفتيس (بالصور) لل 128
السلام عليكم ورحمة الله وبركاته انا كنت لسه عامل من قريب عمرة للموتور بتاع العربيه اللى مجننانى ال 128 وبعد ما العمرة خلصت بقيت احس احساس غريب لما بمشى بالعربيه على سرعه عالية واسيب بنزين مره واحده كنت بحس كان فيه حاجه سايبه او بتخبط فى العربيه من تحت وروحت عند الميكانيكى بتاعى كذا مره ويقولى كله سليم كله سليم فقررت اروح لواحد تانى يشوفلى ايه الحكاية فجه ركب معايا فحس نفس الاحساس بتاعى بالظبط وقالى تعالى نشوف فيها ايه روحنا ساعتها وراح نازل تحت العربيه لقى قاعدة الفتيس بايظه وكان الفتيس مايل جامد والقاعده كانت صينى وخامتها وحشه اساسا وكان شكل العربيه من تحت لا يسر عدو ولا حبيب فقالى روح هات قعدة فتيس فروحت لقيت الاسعار كالاتى صينى : 30 جنية يوغسلافى (الافضل فى الخامه والسعر):40 جنية ايطالى :50 جنية فاشتريت اليوغسلافى ورجعتله جه بعد ما فك القعده لقينا ان قنطرة الفتيس هى كمان مكسورة للاسف فقالى احنا ممكن نلحمها بس فترة وهتفك فقالى روح اسأل عليها جديده فروحت لقيتها جديده صناعة صينى خامه محمله (جوده عاية) قنطرة فتيس صينى خامه محملة : 80 جنية المهم ركبنا القنطرة خلاص وبعدها ركبنا القعده وطلعت جربت وكله بقى تمام الحمد لله وقولت لازم انقلكم التجربه علشان الكل يستفاد منها وديه صورة الشرخ اللى كان فى القعده القديمة http://www13.0zz0.com/2012/06/07/02/793644049.jpg وديه صورة بوضح فيها شكل القنطرة بتاعت الفتيس وقعدة الفتيس القدام http://www13.0zz0.com/2012/06/07/02/178710347.jpg ومتزعلوش منى لانى مقدرتش اصور الحاجات الجديده لان فعلا مكنش فيه وقت للتصوير ساعتها وبعد التركيب طلعت جربت زى ما قولت وبصراحه اصوات التخبيط والرجرجه اللى كانت بتحصل من تحت خلاص انتهت نهائيا الحمد لله و بقيت العربيه طبيعية جداااا وبالنسبه للاسعار قاعدة فتيس يوغسلافى :40 قنطرة فتيس صينى خامه محملة (جوده عالية) : 80 مصنعية ميكانيكى : 50 يبقى كله :170 جنية والى اللقاء فى تجربة اخرى مع مشاكل ال 128 التى لا تنتهى |
رد: تجربتى مع تغير قنطرة الفتيس وقعدة الفتيس (بالصور) لل 128
ما شاء الله ولا حول ولا قوة الا بالله موضوع جامد جدا ومعلومات فى التمام ايه يا عم الجمال ده ياريت بقى تقولنا سبب انكسار قاعدة الفتيس والقنطرة او الاسباب التى تؤدى الى كده وشكرا على مواضعيك الجامدة |
رد: تجربتى مع تغير قنطرة الفتيس وقعدة الفتيس (بالصور) لل 128
اقتباس:
الله يكرمك اخى الكريم ده من ذوقك والله :fun_36_3_9[1]: وبالنسبه لايه اللى بيكسر القنطرة فطلع ان ده عيب شائع فى ال 128 وانها مع الزمن بيحصل فيها الشرخ فى نفس المكان اللى انا مصوره وبالنسبه لقعدة الفتيس هى مش بتتكسر لانها عبارة عن كوتش وبتتحط على القنطرة فى الحتى اللى كان فيها الشرخ وبتتثبت بمسامير فى قنطرة الفتيس وبيتحط عليها الفتيس لانك وانت بتعمل حكاية التغير ديه بتكون رافعه بالكوريك لغاية ما تركب القاعده على القنطرة وبعدين تنزل الكوريك علشان الفتيس يقعد على القعده الكاوتش وعموما زى ما قولنا بالنسبه لقنطرة الفتيس ديه بتتكسر دايما فى نفس المكان اللى انا موضح فيه مكان الشرخ ممكن بقى من عوامل الزمن و المطبات و وكدا يعنى وبالنسبه لقعدة الفتيس اللى بيبوظها 1:ان القنطرة عندك مكسورة وده بيودى ان الكاوتش بتاها يتضرر جامد جدا ومش هتعمر معاك 2:ان خامتها اصلا مش كويس هتلاقيها باظت على طول ومش هتعمر 3:عوامل الزمن والاجهاد والحرارة ومنور الموضوع اخى الايطالى تحياتى لك اخوك فى الله سيد |
رد: تجربتى مع تغير قنطرة الفتيس وقعدة الفتيس (بالصور) لل 128
انت البوجيهات اللى عندك ايه فى العربية
Ngk واحد شمعه ولا denso واحد شمعه سن 14 ولا سن 16 سن طويل ولا سن قصير ؟؟؟؟؟؟؟؟ وبالنسبة للتكييف انت مركبه فى عربيتك ال 1100 فيات 128 اخباره ايه معاك وسحب العربية عامل ايه للاهمية منتظر ردك |
رد: تجربتى مع تغير قنطرة الفتيس وقعدة الفتيس (بالصور) لل 128
اللى بيبوظ القنطرة ان قاعدة الفتيس مقطوعة
واللى بيبوظ قاعدة الفتيس ان الشداد اللى بالطول بيكون بايظ |
| الساعة الآن 01:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017