|
صوت غريب في المارش محتاج افسره
(بسم الله)
السلام عليكم ورحمة الله وبركاته الاخوه الاعزاء اولا :- العربيه نوعها دبابه 2006 ثانيا :-البطاريه جديده ملهاش 20 يوم ثالثا :- اخر ما تم بالعربيه من تصليحات/,,,,,,العربيه في الدواره كانت كويسه بس وقفت من كام يوم والسبب كالاتي :- كنت بغير زيت وفلاتر وبعد العامل ما خلص غياره جيت ادور العربيه مدرتش الا زق ومن تالت رميه رحت للكهربائي مباشره من غير ما اطفيها خوفا من انها تقف تاني وبعد الكشف مسك سلكة حطها علي اماتور وطرفها التاني حطه تحت الماتور ومفهمتش فين لني جديد ميكانيكا وقالي ان سلكة لقط المارش كانت فاصله والعربيه دارت والحمد لله رابعا :- النهارده وانا بدور المارش بعد درس سواقه جامد مع واحد صاحبي لمده ساعتين سمعت صوت صكه او سقفه ذي صوت حديده عالي بتخبط في العربيه اخر دواره المارش والعربيه ملقطتش من اول مرة لقطت من تالت مره تفتكروا ايه العيب لان صاحبي قالي ان الصوت ده معناه ان في عيب كهرباء في المارش حابب افهم ايه معني الصوت ده وتفسيره ايه وهل هو عرض صحي وطبيعي ولا مرضي يعني لو سمحتو تشخيص حاله المريض:00020080: وايه العلاج ؟؟؟ واتمني اكون قربت الصوره بشكل واضح بالنيابه عن المرض قصدي العربيه ما انتو عارفين العربيات مبتتكلمش |
رد: صوت غريب في المارش محتاج افسره
صباح الخير يا استاذ سلامة
بالنسبة للى الكهربائى عملة فى سلكة من الكونتاكت بتلمش موجب البطارية اللى رابط فى المارش بموجب الـ اوتوماتك بتاع المارش والسلكة دى كانت فصلة والراجل ركبها مكنها ..........احتمال كبير العامل بتاع الزيت ايدة جت فيها ووقعت من مكنها الصوت اللى فى اخر دورارة المارش حاجة من اتنين اما ان المارش مش مربوط كويس ولازم يتراجع على الرباط بتاعة او ان المارش عاوز لينات صاج تحت منة عشان يبات او يطبع على فارغة الفتيس كويس لكن فى كل الحالات لازم يتعمل عشان مرة على مرة الترس ممكن يبوظ او جلب المارش ممكن تبوش |
رد: صوت غريب في المارش محتاج افسره
السلام عليكم ورحمة الله وبركاته
الاخ العزيز mr_astra بشكرك علي التوضيح الجميل ان شاء الله في اقرب فرصه هاعالج العيب ده عشان الموضوع ميكبرش بكرر شكري |
| الساعة الآن 10:02 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017