|
ارجو المساعده بسرعه
انا عايز حد بتاع كربراتير في الجيزه
لانم العربيه بتقطع وبتخطف وبتبطل والبنزيم مش بيوصل بسرعه |
رد: ارجو المساعده بسرعه
انا معرفش حد فى الجيزة بس فيه واحد فى دار السلام شغله نضيف جدااا وممكن تاخدها من الجيزة لدار السلام المشوار سهل يعنى المهم العنونا بتاعه كالاتى حضرتك هتمشى من الجيزة تطلع على الكورنيش تدخل دخلة دار السلام وبعدين تدخل على الزهراء وبعدين تدخل على شارع الجسر البرانى تاخده لغاية اخرة واول ما توصل اخره هتدخل يمين كانك رايح على المطبعة بس انت اول ما تخلص شارع الجسر وتدخل يمين هتلاقى شارع على ايدك الشمال لييه نزله كده هتدخل فيه وهتسئل عن بتاع الكربراتير اللف مين هيدلك عليه انا غيرت اكس وباب و غيرنا بيك البنزين وعملت صيانة شاملة كلفتنى 100 جنية وكل بتوع الكربراتير سعرهم على فكرة بيبقى عالى كده لان شغل الكربراتير محتاج دقه عالية واى استفسار كلمنى على الرقم ده وهوصفلك الراجل بالظبط 01007490168 |
رد: ارجو المساعده بسرعه
طيب ماتجرب تغير فلتر البنزين أولا
|
رد: ارجو المساعده بسرعه
AHLNWSHALN
لو حضرتك عايز في واحد في فيصل قبل شارع العشرين ناصية المنوفي الكببجي حتخش الشارع اللي علي ناصيته المنوفي لاخره و في اخر الشارع تخش يمين و تمشي بتاع 50 متر حتسيب اول شارع شمال و تخش في تاني شارع شمال بعد 20 متر حتلاقيه علي ايدك اليمين اسمه م/ هشام راجل محترم و يعرف ربنا و ايديه تتلف في حرير و اسعاره حنينه وعارف هوا بيعمل ايه و ان شاء الله تدعيلي :fun_drinking: |
رد: ارجو المساعده بسرعه
الكاربيراتير ال 128 سهل وبسيط التعامل معاه
وجهة نظرى انك ان شاء الله عزوجل تشترى بيكات جديدة بيك سلانسيه بيك سرعة حسب ارقام الموجود عندك فى العربية تنزل الصبح بدرى علشان الهمة تفك العمة والكاربيراتير كله وتفك الكاربيراتير وتغسله وتنظفه كويس قوى بال wd40 وبالبنزين وبعدين تسيبه ينشف براحته وياريت كمان لو منظف كاربيراتير يبقى قشطة تبص على البكات وتغيرهم وتيجى على الفلتر تشيله وتركب فلتر جديد روسى ب 5 جنيه وتركب فلتر هواء جديد وتحت العربية هتلاقى ماسورتين واحدة من التنك وواحدة راجعة على التنك دى مواسير السحب والراجع تتاكد ان ما فيش تسريب فيهم او اختناق سدد فى الحوض هتلاقى طرمبة البنزين هى دى اس المصايب لازم تشيك على الطرمبة وتشوف اذا كانت تمام ولا لأ ( انا عندى طرمبة ايطالى جديدة زيادة اشترتها علشان أجرب بيها بس - شوف الدماغ وصلت لفين ) عموما عطل الطرمبة او جلدة الرداخ جايز او ممكن انما ان شاء الله تطلع الطرمبة سليمة بعد كده ركب وشغل هتلاقى الدنيا فل الفل والعربية تمام يعنى انت عندك اربع اجزاء كاربيراتير فلتر طرمبة خراظيم الرايح والراجع الميكانيكى هيقعد يفتكس ويخترع ويعملك فيها دكتور لازم تتعلم بنفسك تعالج مشاكلك لانى كنت كده زيك وقعدت اجرب وافك لغاية ما اتعلمت وبعد كده ترجع تركب كل حاجة وبالنسبة لمسمار الهواء والبنزين سهل جدا تظبيطهم وعلشان ما تتوهشى ما تجيش ناحيتهم خالص سيبهم زى ما هما وان شاء الله بعد الدش الساقع للكاربيراتير وتغيير الفلتر هتلاقى العربية دارت واتظبيت وربنا يوفقك |
| الساعة الآن 01:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017