سؤال فنى للأسكندرنيه
 

يا جماعه انا كان عندى استفسار والاسكندرنيه هما اللى هيقدروا يفيدونى دلوقتى انا عوامة البنزين عندى بتخرف بتقعد تتحرك ومش ثابته وساعات اللمبه بتنور وكده فمش قادر احكم معايا بنزين قد ايه
انا امبارخ الجمعه الصبح قبل الصلاه نزلت الف بالعربيه شويه روحت من قسم باب شرق على شارع ابوقير لحد دوران سموحه ميدان فيكتور عما نويل بتاع اربع مرات رايح راجع و روحت من الازريطه للشاطبى بتاع اربع مرات مشيت بالعربيه حوالى ساعه متصله ومعدل السرعه كان حوالى 80
عايز اعرف المسافه اللى مشيتها دى تعمل كام لتر علما ان العربيه جيب شيروكى 2500 سى سى ومعروفه ان استهلاكها للبنزين عالى
انا طبعا كنت بجرب العربيه لانى الفتره دى راكنها عشان الامتحانات بس بحاول كل جمعه اطلع بيها الصبح امشيها شويه عشان البطريه كمان
بس العوامه مخرفه يعنى مثلا انا وانا لسه بتحرك قعدت تلعب وراحت منوره ومع ذلك انا مشيت كل المسافه دى والعربيه تمام ولسه فيها بنزين !

رد: سؤال فنى للأسكندرنيه
 

بص ياباشا
بالنسبة للمسافة مش قادر احددها
اما بقى موضوع المؤشر بتاع البنزين دة
حصل معايا قبل كدة
كل اللى عليك انك ان البنزين ميبقاش كتير فى التنك وتروح لكهربائى يغيرلك العوامة بتاعتها ويظبطهالك
انا حصل معايا كدة بس عربية شاهين المؤشر كانه لابسه عفريت رحت للكهربائى غير العموامة وظبط الكهربا بس كاانت اللمبة عندى مش بتنور
وبرضه اسال يمكن الجيب يكون من عيب تانى

رد: سؤال فنى للأسكندرنيه
 

شكرا يا باشا على الرد والاهتمام
بس المشكله ان للاسف عوامه الجيب شيروكى الموديل ده نادره جدا انا فاكر احنا قعدنا سنه من غير عوامه لحد ما لقينا دى وانا فعلا كنت روحت للميكانيكى نضفها و اشتغلت شويه بعدين رجعت تخرف من بعد النص مش ثابته خالص حاجه غريبه
عشان كده كنت عايز اعرف المسافه اللى انا سوقتها قد ايه وتحرق قد ايه