من الاخر يا جماعة ... النترا 2012 ولا بلاش؟؟
 

والله يا جماعة الواحد زهق من الالنترا دي يعني كل ما اخلص من عيب يطلعلي عيب تاني يعني قالوا عنها انها بتعوم و مش ثابتة بس في ناس جربت العربية لحد 140 و 160و قالوا ان ثباتها كويس و الحمد لله خلصنا من المشكلة دي و بعدين سألت واحد تاني معاه العربية قالي ان العربية فراملها ضعيفة جدا جدا خصوصا بعد 100 كيلو ؟؟؟
من فضلكم يا جماعة عايز اشوف ردود من ناس جربت العربية و عدوا بيها 100 كيلو علشان انا قدامي اقل من اسبوع و هستلم النترا 2012 بس عايز اطمن من موضوع الفرامل دة ضروري و ياريت الي جرب الفرامل يقولي جرب الabs ولا العادية و لو شايف اي عيب تاني يقول برضو ؟؟؟

رد: من الاخر يا جماعة ... النترا 2012 ولا بلاش؟؟
 

انا محتار زيك بالظبط ياريت الاعضاء يفيدونا بخبرتهم . وربنا يوفقنا باللي فيه خيرنا:CONGRA~238:

رد: من الاخر يا جماعة ... النترا 2012 ولا بلاش؟؟
 

رد: من الاخر يا جماعة ... النترا 2012 ولا بلاش؟؟
 

لا اله الا الله يا استاذ الفرامل بتاعتها قوية جدا مش قوية بس لاة قوية جدا ومفيش حاجة اسمها ضعيفة بعد المية لانى دى فرامل قبل المية شغالة ممتاز وبعد 100 برضة ممتازة
العربية على سرعة 100 بتقف فى 4 ثوان من الثانية 6 الى 10
ادى الدليل
http://www.youtube.com/watch?v=bCh6JgbDop0
طبعا 4 ثوان قليل مش كتير ولعلمك لما تكون العربية ماشية على 150 وفرملت هتلاقيها فى ثانية جابت 100 وبعد ال100 فرمل هتلاقيها بتاخد وقت اكبر لحد 50 وجربها فى اى نوع عربية حتى 128 هتلاقى كلامى مضبوط على العموم انا اللى جربتها مش abs
ومفرملتش بيها لحد الزحف لاة فرامل طريق عادية وكانت اكثر من ممتازة
معلش العربية دى محترمة جدا وبرضة انتظر راى باقى الاعضاء

رد: من الاخر يا جماعة ... النترا 2012 ولا بلاش؟؟
 

انا كان لي رد على موضوع تاني فى المنتدي و هانقله لك هنا للافاده (انا كنت باسوق عربيه اقل بكتير من الانترا - ف دي تعتبر نقله جامده جدا جدا لي - كما انه لابد ان تكون موضوعي و عادل في تقييم الامور وربنا يوفقكم)
________
شوف حضرتك
مسألة الشكر او الذم فى العربيه ده معيار غير حقيقي للحكم على العربيه
بصفه عامه ممكن تلاقي اللى بيشكر فيها عندو اسباب منها
1 - عندو العربيه و فرحان بيها
2 عندو العربيه و مش عاوز يزعل نفسو
3 بيسوق عربيه تعبانه و اول ما ركبها انبهر بيها
4.................ز

اما اللي بيشتم فى العربيه فعندو اسباب برضو
1- عندو العربيه بعد ما كان راكب عربيه اعلي
2- معندوش العربيه و مش طايل يجيبها و بيعمل زي التعلب لما بص لعنقود العنب على الشجره وقال --هه ده لسه اخضر
3- ...............


مع الاعتذار للمؤيدين و المعارضين و احترامي الكامل لهم
حضرتك الحكم الاساسي فى الموضوع

بس فيه معايير تانيه ممكن تؤثر على قرارك
وهي ان العربيه دي واخده جوايز كتير على مستوى العالم
منها سيارة العام في امريكا
سيارة العام في كندا

وهناك مؤشرات اخري
مثلا انتشار العربيه له مدلول كويس
وعموما انصحك بصلاة الاستخاره

والبعد كل البعد عن السرعه (موضوع الثبات ده بتتقيم بيه عربيات السباق مش عربيه ماشيه معظم الوقت فى شوارع مصر المزدحمه على سرعة 30 كيلو لو بتجري - اكرر معظم الوقت - معظم الوقت)
وشكرا
_________________________

تفتكروا حضراتكم ان عربيه واحده الجوائز دي تبقي عربيه اي كلام و هل تفتكروا ان حكاية ثابته و مش ثابته و فرامل و صوت ونه وزنه و رجه و الكلام اللى بيتقال ده - كلام منطقي - اعتقد لا 1000000 مره