|
أستفسار عن افضل نوع تيل فرامل للسيارة فيات ريجاتا وأسعارها
بعد أذن السادة الأعضاء اود ان اعرف ماهو افضل انواع تيل فرامل للسيارة فيات ريجاتا 1985 كم يتكلف طقم تيل الفرامل وافضل الأنواع اذ سمحتو ويريت ماهو اقل سعر الى اعلى سعر وسؤال آخر هل تيل الفرامل بيتملى ولا لا وشكر للسادة إعضاء مصر موتورز الكرام. |
رد: أستفسار عن افضل نوع تيل فرامل للسيارة فيات ريجاتا وأسعارها
تيل امامى ماركة ترينتى بلد المنشا "الصين " جرى العرف ان كل حقبة زمنية بيتسيد نوع معين من تيل الفرامل واليومين دول بتوع الترنتى بصراحة لانة تيل طرى وذو معامل احتكاك عالى وحنين على الطنابير
اما التيل الخلفى ممكن تملى بخامة هندى بس بتتباع انها اسبانى بيقولو عليها اسبانى وتملى بسمك لا يقل عن 6 سم لزق وليس برشام مع اخد الطنابير الخلفية وش نضافة على المخرطة وتفريع كل زيت الفرامل واعادة ملؤة بزيت نوع بندكس ولو فكيت طنابير خلفى ولقيت احد المساتر مرشح زيت غير جلد بستم خلفى حسب المقاس اللى راكب |
رد: أستفسار عن افضل نوع تيل فرامل للسيارة فيات ريجاتا وأسعارها
معلش نسيت الاسعار
تيل امامى النوع المذكو بـ 35 جنية ملو تيل خلفى بالسمك المذكور والنوع اعلاة لزق وليس برشام بـ 60 جنية اخذ وش نضافة على المخرطة للطنابير الخلفية بـ 30 جنية |
رد: أستفسار عن افضل نوع تيل فرامل للسيارة فيات ريجاتا وأسعارها
ايوه تيل الفرامل بيتملى
لكن المشكله فى الخامه بتاعت التيل فى انواع منه لكن كله بيرجع لضمير الصناعيى اللى بيمليه واقترح عليك انك تسأله عن الاسعار قبل ما يشتغل وبعدين تقرر انت تركب انهى نوع بالظبط وبعدين تاخد معاك الطنابير بالمره يمسحهم وتقوله قبل ما يشتغل لو طلع صوت صفاره من التيل انا هرجعه ليك تانى هو طبعا ساعتها هيشتغل بضمير كويس جدا لانه هيخاف ترجع هوله انا كنت عامل طقم التيل اللى ورا ب 120 جنيه للعجلتين ودى اغلى خامه ومتبرشم ولزق فى نفس الوقت وبسم الله ماشاء مظبوط لحد دلوقتى |
رد: أستفسار عن افضل نوع تيل فرامل للسيارة فيات ريجاتا وأسعارها
مش عارف اقول ايه لحضرتكم غير ان حضراتكم شخصيات كريمة واكثر من محترمة وشكر لكل من اعطى معلومة ليا وشكر لحضرتكم على سرعتكم فى الرد عليا. :Wkiss5::Wkiss5:ROSE4U |
| الساعة الآن 09:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017