انا معايا 30 الف ومحتار مش عارف اشتري ايه
 

السلام عليكم ورحمة الله وبركاته



الاخوة الافاضل اعضاء المنتدي


ياريت حد يفيدني في الموضوع ده


انا كنت عاوز اشتري عربية في حدود 30 الف جنيه

والكل نصحني اني اشتري جديد افضل

لان المستعمل بيحتاج لمصاريف جامدة

المهم فكرت في اني اشتري التو سوزوكي بالقسط

قلت ادفع النص والنص تقسيط

المهم لقيت ناس تالنية بتئولي دي عربية ضعيفة اوووي 800 سي سي

ناس تانية رجحو ليا عربية اسكودا فلشبا موديل 97

بيئولو انها استعمال طبيب بس الراجل راششها من براا للنضافة فقط

وكمان مغير الموتور كله جديد بالكرتونة من التوكيل

المهم صاحبها طالب فيه 35 الف جنيه مع العلم انها غير مكيفة

وهيا الماني وطبعا انا بحثت علي النت علي الاسعار لان معنديش خبرة في العربيات اووي

لقيت ان موديل السنة دي 97 بيتراوح مابين 28 و30 الف جنيه

الراجل اللي رجحلي العربية بيئولي انه ممكن اووي يوصلها ل32 الف جنيه

انا بصراحة مش عارف اشتري ايه واصبحت محتار وفي دوامة

هل اشتري التوو جديد زيرو ولا اسكودا فليشيا 97 ولا ايه

ولا ادفع المبلغ ده في حاجة زيروو واقسط الباقي


ياريت ياجماعة تشورو عليا


بارك الله فيكم وجزاكم كل خير

رد: انا معايا 30 الف ومحتار مش عارف اشتري ايه
 

اهلا بيك استاذ تيتو عضو معانا و عقبال ما نباركلك علي العربيه قريب:)
بص يا تيتو
الزيرو مافيش احسن منه لكن الالتو عربيه صغيره
و لما تاخدها قسط كمان حتلاقي اخر الفتره دفعت فوايد كتير
من رأيي تجيب عربيه مستعمله افضل
بس الفليشيا مش برشحها لمشاكل السخونه و قطع غيارها الغاليه
المبلغ دا ممكن يجيب لك فيات اونو كويسه و يتبقي شويه فلوس كمان
او كيا برايد او سوزوكي سويفت او هيونداي اكسيل
دول افضل عربيات ممكن تجيبهم في متوسط الاسعار دا:)

رد: انا معايا 30 الف ومحتار مش عارف اشتري ايه
 

ا / تيتو... بعد التحية
اضافة لكلام حازم باشا ممكن تجيب
سيتروين zx بالتكييف، AX بالتكييف ( بس صغيرة زى الالتو )
سيات ابيزا 94 بالتكييف
الاسكودا جميلة جدا وخاصة 98 وانت طالع( انا شوفت على احد المواقع اسكودا 99 بالتكييف =35 وطبعا السعر ده زايد حوالىمن 3000 الى 5000 )

الحقوني انا خلاص اتجننت
 

السلام عليكم ورحمة الله وبركاته






اخوتي في الله




انا بجد وحقيقي خلاص اتجننت

انا كنت عاوز اشتري عربية مستعملة في حدود 30000 او 35000

المهم ناس كتيرة رشحت ليا بعض العربيات المستعملة زي الفلشيا سكودا

او زي الالتو الجديدة علي اساس اني اشتريها بالقسط

انا كنت محتار جدا لكن لما سألت اصحابي

الكل قالي ان مفيش احسن من الزيرو وقالولي حاول تشتريها بالتقسيط

وانا اقدر ادفع قسط للسيارة لحد 750 جنيه غير اني ممكن ادفع النص والنص بالتقسيط

في ناس شارو عليا باللانوس وفي ناس شارو عليا بالفيرنا

خصوصا ان الفيرنا عليها تخفيض اليومين دول حوالي 2500 جنيه والتوكيل عامل العرض ده حتي نهاية شهر مايوو

انا اتصلت بالتوكيل لانهم كاتبين في الاهرام انها موديل 2010

بعض المعارض قالتلي ايوة هيا 2010 والبعض الاخر قالي

لاء هيا مش 2010 قلتلهم اومال كاتبين كده ليه في الاهرام

قالولي انهم حاولو انهم يرخصوها علي انها 2010 لكن المرور عمل مشاكل وموافقش غير انههم يرخصوها 2009

طبعا انا ممكن اشتري عربية يكون سعرها مايزيدش علي 65000 ادفع النص مقدم والنص التاني تقسيط

ياريت تنجدوني وتئولولي رأيكم بس ياريت يكون بسرعة

هل اشتري لانوس ولا فيرنا مع ان فيرنا سعرها اقل من اللانوس

وياريت لو حد يعرف اسعار العربيات دي النهائي ايه يكتبه هنا

وهل ترشحو ليا حاجة تانية غير الاتنين دول

انا بصراحة اصبحت محتار خصوصا ان مفيش اتنين اجمعو علي حاجة واحدة

كل واحد ليه نظرة مختلفة عن التاني

ارجو الرد بسرعة قبل مااشتري اول حاجة تقف في طريقي

ولكم جزيل الشكر وبارك الله فيكم وجزاكم الجنة ان شاء الله

رد: الحقوني انا خلاص اتجننت
 

[B]بص يا تيتو
هو طبعاً مفيش جدال في ان الزيرو احسن حاجه وموضوع القسط اسال في البنوك بس لو هتجيب الفيرنا ابو غالي عامل فائده قليله قوي وخصوصا لو هتدفع 50٪
المهم موضوع الفيرنا الي عملين عليها تخفيض دي اسال امكانيتها ايه علشان في الكيا البيكانتو كانو برضو منزلين سعرها ولما سالنا طلع حتي مفهاش تكيف.

مقارنه الفيرنا بل الانوس تقريبا الاتنين زي بعض انا بحس بكده الاتنين تقفيل مصري و الانوس فيها ميزه ان قطع غيرها ارخص بس التكنولوجيا بتاعيت الموتور قديمه شويه بس توكيل منصور يقال انه احسن شويه من غبور
بس انا من رايه انك تنزل تشوف و تركب دي و دي وتشوف انت مستريح اكتر لي ايه

انزل اتفرج وقارن بنفسك
و ربنا يوفقك في احسن حاجه إن شاء الله[/B]