مشكله فى تكييف الفيرنا
 

دلوقتى التكييف فى عندى مشكلتين

الاولى ان اول ما اشغل التكييف بيقعد حوالى دقيقه لغايه ما يطلع هوا ساقع و كمان اول ما اشغله بسمع صوت زى تزييقه و بحه (ده فى اول ما الكومبيسور يلقط ) و بعدين تختفى

التانيه الكباس بيفصل تقريبا كل دقيقه و يرجع يشتغل و بسمع نفس صوت التزييقه و البحه كل ما يلقط و لما بيفصل الهوا بتقل برودته شويه و ساعات لو ماشى على سرعه 80 او 90 الهوا بتقل بردوته كتير

حاسس ان اداءه مش قوى

العربيه فيرنا عامله 1000 كيلو بس

رد: مشكله فى تكييف الفيرنا
 

ياباشا لازم تروح التوكيل يكشفوا عليه كده مش طبيعي لازم يبصوا على الثرموستات و ليه كل شويه يفصل حتي مش مخلي الكباس يقوم براحته و بالمره الغاز كمان و الوصلات ممكن تكون حاجه مهوية و باذن الله بسيطة و اعربيه لسة جديده و متمشيش من هناك قبل ماكله يبقى تمام قوي كمان و متخافش لو مش تمام رخم عليهم جدا لحد ماتبقى راضي و مطمئن. هما محترمين بس مرات بيقلبوا الحاجة لو عندهم شغل كتير

رد: مشكله فى تكييف الفيرنا
 

شكرا على الرد

انا روحت و قولتلهم على الشكوى

و لما جربته و انا راجع لقيته اتحسن شويه

منتظر بس الجو يشد فى الحراره و اشوف

رد: مشكله فى تكييف الفيرنا
 

واضح من وصف العيوب اللي حضرتك زكرتها انها عيوب شحن زياده للفيريون

عموما جرب بعد ما رحت التوكيل لو العيوب لاقدر الله ما اتظبتتش اكشف علي ضغط الفيريون