مصر موتورز مجتمع السيارات - حد يساعدنى (BMW 318 i ) وال ( renult megane ) وبسرعه علشان فى خلال اسبوع حشترى

مصر موتورز مجتمع السيارات (https://www.masrmotors.com/vb/index.php)

- BMW (https://www.masrmotors.com/vb/forumdisplay.php?f=24)

حد يساعدنى (BMW 318 i ) وال ( renult megane ) وبسرعه علشان فى خلال اسبوع حشترى

السلام عليكم
انا كان عندى عربيه رينو ميجان 2006 وكانت تمام جدا ومريحانى واحد شافها معايا عجبته ( قام اشترها منى عافيه )
المهم
انا دلوقت قولت اجيب ميجان برده بس موديل اعلى يعنى ( من 2008 الى 2010 ) علشان انا عرفت كل شئ تقريبا عن الميجان وعربيه اكتر من ممتازة
و ال bmw 318i بموت فيها بصراحه وعاوز اجيب من موديل 2001 الى 2005 ومعايا فلوسها برده
وال 316 قدامى واحده كويسه بس مانيوال موديل 2005
بس طبعا عمرى ماركبت bmw فياريت ال ركب العربيه دى ينصحنى اشتريها وال لا
وعاوز اعرف بتاكل بنزين وال لا وقطع غيارها غاليه وال لا وكل شئ ممكن يفيدنى
مع انى كنت بروح الحرفين فى عندنا فى اسكندرية بلاقى BMW وشغال فيه صنيعية
وأسف جدا على الأطاله

رد: حد يساعدنى (BMW 318 i ) وال ( renult megane ) وبسرعه علشان فى خلال اسبوع حشترى

اهلاً بيك يا احمد باشا فى مصر موتورز

مفيش شك ان البى ام ركوبة مختلفة عن اى عربيه تانية حتى لو كانت اوروبى سواء فى التصميم او الاداء او القيمة
لكن على اى حال فيه فرق تانى كبير ما بين عربية كسر زيرو هتجيبها مش محتاجة اى مصاريف ومش هتصرف عليها سنين قدام غير الصيانات الدورية الضرورية

وما بين عربية ماشية مئات الكيلومترات وبقالها اكتر من سبع سنين على الطريق هتشتريها وتشوف فيها مصاريف ايه وبالعموم تكاليفها ومصاريفها هتبقى اكتر بكتير من كسر الزيرو

علشان كده الاوفر والاسهل انك تجيب كسر زيرو
والاكثر الاقيم والامتع تجيب البى ام بس المهم الحالة

وطبعاً ال 316 ديه انا بستبعدها لانها بطه فى سواقتها وفقيرة جداً فى كمالياتها
فافضل تخليك فى فى 318 وانت طالع

وبالنسبة للموديلات 99 -2000 - 2001- موديلات حلوة ودنيتها اسهل بس الحالات النضيفة نادرة فيها اوى
فافضل تدور على اواخر الموديل 2002 - 2003- 2004- 2005
وان كان النضيف منها بيتطلب فيه اسعار خرافيه تقرب او تجاوز الموديل الى بعدة e90

فكر كمان فى الفئه الخامسة نفس الموديلات 2000 - 2004 BMW 5 Series (E39)
عربيه تحفه فى الاداء والكماليات والتصميم
عربيه واسعة ورا وقدام والشنطة اوسع حتى من الفئه التالتة اللى بتعتبر ضيقة مقارنة باى عربيه تانية
قطع غيارها وصيانتها برضو سهله ومتوفرة
وفى نفس رينج الاسعار تقريبا

http://www.nm-motorsport.com/acatalog/BMWE39.jpg

رد: حد يساعدنى (BMW 318 i ) وال ( renult megane ) وبسرعه علشان فى خلال اسبوع حشترى

+11111111

يعنى ممكن تفكر فى البى ام إبتداء من 150 ألف مثلا لو 318

و200 ألف لو بى إم 520 موديل 2005

وطبعا قطع غيارها نار بس عمرها طويل

لو مكانك اجيب الميجان موديل عالى

رد: حد يساعدنى (BMW 318 i ) وال ( renult megane ) وبسرعه علشان فى خلال اسبوع حشترى

شكرا للردود
والمشكلة ان الواحد مكانش متابع اسعار السوق فى المستعمل غير لما بعت وحبيت اشترى علشان كده لقيت الbmw سعرها فى المتناول ففكرت فيها بصراحه بس الواحد لازم يسأل الاول قبل ما اخد خطوة وربنا يسهل إن شاء الله

والمشكلة انى مش لاقى اى ميجان حالة نضيفة كل لما القى عربيه تتباع تانى يوم وال bmw 318i بلاقى ليها اعلانات كتير قوى ومغرية بصراحه

المهم انا بفكر برده فى اوبل فيكترا وإن شاء الله أول مااشوف اى عربيه من دول حالة نضيفه حتوكل على الله

رد: حد يساعدنى (BMW 318 i ) وال ( renult megane ) وبسرعه علشان فى خلال اسبوع حشترى