بدات الحمد لله فى مشروع وعاوز نصيحة أهل الخبرة
 

الأول / السلام عليكم ورحمة الله وبركاته
انا اسمى فايز جمعه من بلد اسمها دسوق /كفر الشيخ ( يعنى فلاح ) :))
المهم عشان مش اطول عليكم انا اتوكلت على الله وفتحت مكتب ايجار سيارات وماشى فى الإجراءات رسمى زى الكتاب ما قال واخدت مكتب كويس وفى مكان كويس واشتريت عربيه لانسر 2008 وأكسنت 2011 بس دى اشترتها من دكتور صاحبى وعليها اقصاط 4سنين *1550 شهرى وانا اصلا عندى من الاول أوبل 95 من العربيات النضيفه اوى بس طبعا دى متنفعش للايجار عشان موديلها قديم .. المهم وانا باتصفح النت لقيت منتداكم وعجبنى وقريت كذا موضوع ولقيت انكوا ممكن تظبطولى وضعى عن كده شويه يعنى ممكن تاخدوا العربيات اللى عندى وتدونى عربيات حديثه أو أزود من عندكوا عربيه ولا اتنين وأدفع مقدم بسيط والباقى اسدده من شغل العبيات وخصوصا اننا داخلين على موسم صيف والحركه هنا كويسه ان شاء الله . ولو ممكن نمشى نظام زى اللى فى الخارج اللى هو التقسيط اللى بينتهى بالتمليك
بصصوا ياجماعه انا شرحتلكم وضعى تقريبا . لو فيه حد منكم .(دا بعد اذنكم طبعا) يقدر يساعدنى هاكون شاكر جدا
انا اسف ع الاطاله
ولاى حد هيمر على موضوعى الف شكر

رد: بدات الحمد لله فى مشروع وعاوز نصيحة أهل الخبرة
 

اهلاً بيك فى مصر موتورز وان شاء الله المختصين هيردو على حضرتك بالافادة فى اقرب وقت

رد: بدات الحمد لله فى مشروع وعاوز نصيحة أهل الخبرة
 

موفق ان شاء الله ومبروك عالمشروع

رد: بدات الحمد لله فى مشروع وعاوز نصيحة أهل الخبرة
 

ألف شكر لمروركم الكريم