اعمل ايه؟؟
 

شوفت البوتون ساجا النهارده وعجبتني اوي وهجزتها خلاص
ممكن تقولول لما اجي استلم العربيه ايه اللي لازم اشيك عليه ؟؟؟
وياريت لو حد عنده اللون الاحمر يقوللي هو اي درجه من درجات الاحمر يعني فاقع اوي ولا احمر هادي

رد: اعمل ايه؟؟
 

جسم العربية كله من بره مافيهوش خدوش
افتحي واقفلي الأبواب كلها
الفرش من جوه سليم
الإضائـات كلها شغالة فوانيس وعدادات وفوجات ونور صالون ونور الشنطة
افتحي العربية واقفليها بالريموت وإتأكدي ان السنتر وجهاز الإنذار شغالين
المرايات شغالة
الكاسيت شغال
الإزاز الكهربا شغال
الإزاز الخلفي تمام وشغال
المساحات شغالة
الكلاكس شغال
شغلي التكييف لمدة دقيقة فقط "كتجربة" انه تمام (و مايشتغلش الا بعد صيانة ال1000 كيلو الأولي)
إتأكدي ان الإستبن موجود تحت فرش الشنطة
اتأكدي انك تستلمي من المعرض مع العربية
( طقم دواسات - كتالوج العربية - كتالوج الكاسيت - كتيب الضمان - نسخة مفتاح - إيريال - شنطة عدة - كوريك )

هايفضلك نسخة إحتياطية من المفتاح
هاتستلميها مع الإفراج الجمركي بعد يومين من إستلام العربية