|
إستفسار بخصوص تركيب إضائة لشنطة 128
بسم الله الرحمن الرحيم
انا معايا عربية فيات 128 وكنت عايز اركب لمبة فى الشنطة الحمد لله اشتريت شريط ليد 60 سم وأخذت الوصلة من لمبات النمر لكن المشكلة اللى مش عارفها هى إنى عايز لما افتح الشنطة اللمبة تفتح ولما اغلقها تغلق فكنت عايز اعرف اشترى مفتاح اية واثبتة فين فى الشنطة وجزاكم الله خيراً |
رد: إستفسار بخصوص تركيب إضائة لشنطة 128
افضل مفتاح ينفع معاك هو مفتاح stop بتاع الفرامل" تقريبا بـ 10 جنيه " لانه نفس الفكرة بمجرد رفع الشنطة هيعمل توصيل كهربائى ومكان تركيبه فى الرفرف الخلفى مكان ما بتنزل عليه الشنطة تعمل فتحة صغيرة بالشنيور على قده وتخلى سن المفتاح الرفيع من فوق
انا عاوز ارفع لك الصور بس موقع الرفع مش شغال عموما دى الصور على موقع تانى http://imageshack.us/photo/my-images...d02450e1e.jpg/ http://imageshack.us/photo/my-images...4242c0a7b.jpg/ وفى عندك فى مفتاح stop صامولة تعديل المسافة تظبط منها براحتك الوضع اللى يناسب قفل الشنطة وتحت امرك فى اى وقت |
رد: إستفسار بخصوص تركيب إضائة لشنطة 128
تسلم الايادى |
رد: إستفسار بخصوص تركيب إضائة لشنطة 128
اقتباس:
بالنسبة للزرار الذى يوضع فى باب الشقة هل ينفع وياريت لو فية اى طريقة غير عمل ثقب فى الرفرف يبقى جزاك الله خيراً |
رد: إستفسار بخصوص تركيب إضائة لشنطة 128
معتقدش ان مفتاح الجرس بتاع الشقة " على ما فهمت من كلامك" ينفع لكن مفتاح stop هو الاصلح
بالنسبة لمكان وضعه انت ممكن بدل ماتخرم فى الرفرف تركبه جنب كالون الشنطة وتربطه بس تركبه فى الجزء الثابت اللى هو من تحت وتحاول تعمل له زى صدادة من فوق بحيث لما تقفل الصدادة تضغط على المفتاح ولما تفتح الشنطة العكس يحصل |
| الساعة الآن 06:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017