مشكلتين ومش عارف الحل
 

انا فى يا جماعة مشكلتين عندى وياريت اللى يعرف الحل
المشكلة الاولى
احيانا مش دايما وانا طالع بالعربية على الاول الاقى العربية بترج معايا جامد جدا جدا جدا
المشكلة التانية
دايما اشم ريحة بنزين فى العربية مع انى راجعت على الكربراتير لقيته تمام
ياريت اللى يعرف الحل وخصوصا المصيبة الاولى دى احسن خنقانى جدا الموضوع ده وخايف لحاجة تتخرب اكتر من كده
العربية 128 موديل 74 عادة

رد: مشكلتين ومش عارف الحل
 

المشكله الأولى
لو العربيه لازم تقرص عليها وانت طالع لحد ماتحس ان صوت الموتور بيعلى
فدا سببه طقم الدبرياج ممكن يكون محتاج اسطوانه دبرياج بس او ديسك واسطوانه حسب حالته
المشكله التانيه
الكرابتير عندك حريقه مش كويس
ودا لو عايز تعرفه وتتأكد منه فك البوجيه التانى حتلاقيه مهبب
ودا حله انك تنضف الكبراتير ومجاريه
وتراجع كهربه الاسبراتير
ارجوا انى اكون قد افدت حضرتك

رد: مشكلتين ومش عارف الحل
 

الرجرجة دى سببها ان طقم الدبرياج وحش وعايز يتغير
بالنسبة لريحة البنزين اتأكد ان مفيش تسريب من مواسير وخراطيم البنزين الرايح والراجع وخرطوم فايظ التنك يكون راكب

رد: مشكلتين ومش عارف الحل
 

طقم دبرياج اكشف عليه دسك واسطوانه
واتاكد من خرطوم الفايظ بتاع البنزين عشان كان سايب عندي وكان مخليني مدمن بنزين :D

رد: مشكلتين ومش عارف الحل
 

معتقدش ان المشكلة فى طقم الدبرياج لان الطقم ده مسئول عن نقل الحركة من الموتور للفتيس
فلو طقم الدبرياج هو السبب يبقى الموضوع دايم معاك مش على فترات دى غير انك هتلاقى مفيش سحب ولما تدى غيار هتلاقى صوت التعشيق عالى او تحس انك مش دايس دبرياج
لكن عموما راجع نقاط التوصيل بمعنى شوف الكبالن ونظام تعشيقها فى صرة العجلة لان اللى اعرفه ان الرجة دى معناها ان محور دوران الفتيس تمام وان الصرة غير مرتبطة مع اكس الكوبلن وعلشان كده الكوبلن بيلف فمرة يربط مع الصرة ومرة يفصل واكبر دليل انك بتقول انه احيانا مش دائما أو صليبة الكوبلن الداخلى ممكن تكون بتفوت على اكس وصلة الكوبلن
اما المشكلة التانية فدى حصلت مع اخويا قبل كده وكان السبب ان فى تسريب من عند العوامة وده ممكن انك ترفع العوامة وتنضف مكانها وتحط سيلكون