مصر موتورز مجتمع السيارات - بخصوص موضوع المقاومة العربية 128

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - بخصوص موضوع المقاومة العربية 128 (https://www.masrmotors.com/vb/showthread.php?t=85456)

بخصوص موضوع المقاومة العربية 128

أستاذى الفاضل الباشمهندس الكبير / سمير عياد

بخصوص موضوع المقاومة

انا لما أشتريت العربية 128

المقاومة ما كانتشى موجودة

هل استمرار العربية بدون المقاومة على الموبينة

هو السبب فى تلف الكونتاكت عندى باستمرار

بس لما قريت الرد الشرح الى حضرتك تفضلت بيه

انها بتحمى الكونتاكت

انا عايز أركب مقاومة لو تكرمت تقولى ازاى أركبها واجيبها منين

وقيمة المقاومة قد أيه بالضبط

وطريقة التوصيل بشوية من الشرح والتفصيل

علما ان الموبينة قديمة عادية من النوع التقليدى

وبارك الله فيك

وشكرا على موضوعاتك الجميلة اللى دائما بتفيدنا وتعلمنا

تلميذك الايطالى الصغير

رد: الاستاذ سمير عياد استشارة هندسية لو تكرمت

عزيزى هذا رد موقت وبعدين شوف رد المهندس هايكون إيه
المقاومه وظيفتها حمايه أبلاتين الإسبراتير وتخفيض الكهرباء
عن الموبينه والإسبراتير لعدم سخونه الموبينه وإحتراق الأبلاتين
بإستمراروليس لها علاقه بفساد أو عطل الكونتاك مطلقا إنما اللى
يعطل الكونتاك هو حمل زائد عليه مثلا تشغيل مروحه التبريد عليه
أو نوع الكونتاك مش أصلى لو عاوز تحل المشكله والكونتاك يشتغل
فتره كبيره أضعاف ذلك ركب كتاوت حمل عليه خارج الكونتاك
يعنى أى شيء شغال مع الكونتاك يأخد من الكتاوت يبقى الكونتاك
مجرد لقط للكتاوت وأى مشكله ها تحصل الكتاوت هوه اللى يشيل الصدمه
حتى لو عطل الكتاوت أرخص ومن الكونتاك بكثير
وهذا الكلام ليس نقل من الإنترنت وإنما كلام مجرب 100 فى ال 100
وشوف الردود الأخرى وإختار المناسب لك
وشكرا

رد: الاستاذ سمير عياد استشارة هندسية لو تكرمت

نسيت أشرح لك طريقه توصيل المقامه
الطريقه هى فيه فى الموبينه سلكين واحد كهرباء من الكونتاك
وغالبا هايكون مكتوب على الموبينه رقم 15 فى الطرف الكهرباء
والطرف الأخر رايح الإسبراتير
هتاخد طرف الكهرباء وتركبه فى طرف من المقاومه وطرف المقاومه
الأخر توصله بوصله سلك صغيره بالموبيه مكان السلك الكهرباء
اللى شلته وموضوع قيمه المقاومه بصراحه مش عارف لأنها غالبا
بتيجى مع الموبينه نفسها وفيه موبينه بتكون من غير مقاومه
علي سبيل المثال بوش الأصليه
وشكرا
برضه كلام ليس منقول وإنما مجرب 100 فى ال100
وشوف الردود الأخرى ولك الحريه فى إختيار الحل المناسب لك

رد: الاستاذ سمير عياد استشارة هندسية لو تكرمت

اقتباس:

المشاركة الأصلية كتبت بواسطة الايطالى الصغير (المشاركة 661762)

بخصوص موضوع المقاومة

انا لما أشتريت العربية 128

المقاومة ما كانتشى موجودة

يبقى الأفضل نخلينا على التصميم الأساسى

هل استمرار العربية بدون المقاومة على الموبينة

هو السبب فى تلف الكونتاكت عندى باستمرار

مش شرط ....ممكن يكون عيب كهربى آخر ( ضفيره مثلا مش مظبوطه )

أو الكونتاكت نفسه مش أصلى وتقليد مثلا

بس لما قريت الرد الشرح الى حضرتك تفضلت بيه

انها بتحمى الكونتاكت

دى وظيفتها فعلا

انا عايز أركب مقاومة لو تكرمت تقولى ازاى أركبها واجيبها منين

وقيمة المقاومة قد أيه بالضبط

وطريقة التوصيل بشوية من الشرح والتفصيل

صعب إبداء الرأى فى شىء مجهول الهويه وخصوصا فيما يخص دورة البدء بالكونتاكت كمخطط هندسى بالإضافه إلى ضرورة تحديد قيمة المقاومه بناءا على توصيات مصمم الدايره
علشان نبقى بتكلم صح ودون قتوى

علما ان الموبينة قديمة عادية من النوع التقليدى

وبارك الله فيك

وشكرا على موضوعاتك الجميلة اللى دائما بتفيدنا وتعلمنا

تلميذك الايطالى الصغير

متشكر على زوقك أخى الفاضل

والردود التعليقيه فى الإقتباس موضوع تحتها خطوط

رد: الاستاذ سمير عياد استشارة هندسية لو تكرمت

اقتباس:

المشاركة الأصلية كتبت بواسطة tareksat5000 (المشاركة 670691)

عزيزى هذا رد موقت وبعدين شوف رد المهندس هايكون إيه

المقاومه وظيفتها حمايه أبلاتين الإسبراتير وتخفيض الكهرباء
عن الموبينه والإسبراتير لعدم سخونه الموبينه وإحتراق الأبلاتين
بإستمراروليس لها علاقه بفساد أو عطل الكونتاك مطلقا إنما اللى
يعطل الكونتاك هو حمل زائد عليه مثلا تشغيل مروحه التبريد عليه
أو نوع الكونتاك مش أصلى لو عاوز تحل المشكله والكونتاك يشتغل
فتره كبيره أضعاف ذلك ركب كتاوت حمل عليه خارج الكونتاك
يعنى أى شيء شغال مع الكونتاك يأخد من الكتاوت يبقى الكونتاك
مجرد لقط للكتاوت وأى مشكله ها تحصل الكتاوت هوه اللى يشيل الصدمه
حتى لو عطل الكتاوت أرخص ومن الكونتاك بكثير
وهذا الكلام ليس نقل من الإنترنت وإنما كلام مجرب 100 فى ال 100
وشوف الردود الأخرى وإختار المناسب لك
وشكرا

طيب معلش واحد صاحبى عنده الموبينة السودا
لغى منها المقاومة ووصلها عشان الشرارة تظبط معاه
لكن الأبلاتين بيلدع على طول ولما بيوصل المقاومة بيخلى الشرارة زى الشرارة بتاعت الولاعة