مقارنة غريبة .... ارجوا الافادة؟؟؟؟؟
 

السلام عليكم ورحمة الله
ده اول موضوع ليا فى المنتدى عشان بجد لقيت افضل منتدى على الاطلاق فى السيارات عموما
انا عايز اعمل مقارنة بين عربيتين وحطيت الموضوع فى المكان ده عشان للاسف مش عارف اضع الموضوع فين
المقارنة بين رينو لوجان 2012 كاملة مانوال والغريب مع نيسان صنى 2009 كاملة اوتوماتيك
المقارنة غريبة بس بجد انا مبيجليش نوم بالليل من التفكير
الصنى برضه للعلم عاملة 40 الف كيلو وحالة عموما محترمة واللوجان زيرو والزيرو زيرو
ارجو الافادة من عمالقة المنتدى الكرام

رد: مقارنة غريبة .... ارجوا الافادة؟؟؟؟؟
 

26 مشاهدة وبدون ردوود طب حد يكتبلى لا تعليق حتى وانا هفهم

رد: مقارنة غريبة .... ارجوا الافادة؟؟؟؟؟
 

معلش الشكل الجديد مخلى الاعضاء تايهين شوية :dzy:

رد: مقارنة غريبة .... ارجوا الافادة؟؟؟؟؟
 

المقارنه صعبه لانك بتقارن زيرو بمستعمل لعربيتين مش من نفس الفئه..ولكن على كل حال
بالنسبه للوجان عربيه اثبتت نفسها فى كسياره عائليه صغيره ..قطع غيارها ابتدت تتوفر بره التوكيل وطبعا بسعر اقل من التوكيل ولاتحتاج الاالى الصيانه الدوريه المعتاده ..وعفشتها وارتفاعها عن الارض مناسب للطرق المصريه...

النيسان سياره معروفه اعتماديه صيانتها وقطع غيارها فى التوكيل ..منخفضه قليلاً على الارض واكثر ثباتاً فى السرعه العاليه من اللوجن ..استهلاك البنزين متقارب للسيارتين ربما النيسان ازيد شويه من اللوجن..

دى معلوماتى عن السيارتين ..ومنتظر اراء باقى الاعضاء..

رد: مقارنة غريبة .... ارجوا الافادة؟؟؟؟؟
 

حاسس بيك والله لأني كنت فنفس وضعك بالضبط بس المقارنة كانت بين اللوجان زيرو ولانسر بومه مستعمل, لكن في الآخر الزيرو كسب, والحمد لله مقتنع يقراري.

اللوجان عربية بدات تثبت وجودها بقوة خلال السنة والنصف الأخيره وأضن إنتشهرها فى إزدياد مع مرور الوقت, سعر إعادة البيع فى تحسن كبير وكسر القاعدة بالنسبة للرينو في مصر, واااااسعة, عاااااااليه ومبتحكش فأيى شئ, عفشة نااااااعمة, عيوبها معروفة وممكن التأقلم معاها وكلها غير جوهرية.

الصني بصراحة مجربتهاش, ممكن غيري يفيدك فيها, لاكن إللى جربته فيها قبل ماشتري اللوجان إن قعدت السائق أضيق من اللوجان لو طولك أكتر من 190 سم. اللوجان مريحة وأوسع بشكل ملحوظ.

ربنا يوفقك لما فيه الخير. وصلي إستخارة.