|
صيانة الألف كيلو
انا حاولت اعيش في دور المواطن المتحضر
وقولت احجز ميعاد قبل ما اروح اعمل صيانة الألف عربيتي اسبيرانزا 113 اتصلت بدليل التليفون سألت على مركز خدمة ابورواش وادوني الأرقام دي وكلها مش بترد 19227 35390407 35390408 ويا ريت تقولوي لما احب احجز عشان الصيانه اكلم مين في شعب مصر ؟ بالمناسبه باتصل برضه بالمركز بتاع الكيلو 18 طريق مصر اسمعايليه برضه مش بيرد 26981763 محدش معاه رقم مركز مبيردش ؟؟ |
رد: صيانة الألف كيلو
و الله يا عم همهم ضحكتنى و فكرتنى بسيد دلينجر فى فيلم وا اسلاماه 00 حيث كان يمثل دور
مبعوث هولاكو الى المصريين ! و دخل القاعه اللى فى القلعه و بها المهتمين بشأن مصر بعد و فاة الملك أقطاى و قال بكل ألاطهو قرف ! ( أمال أكلم مين فى شعب مصر ! ) هههااهههاى ! ptmnlo123per154 اوعى تكون شبه سيد دلنجر لآن أقطاى لسه ما ماتش !! ptmnlo123per1106 Dr. Bolbolan ptmnlo123per1127 |
رد: صيانة الألف كيلو
لا متقلتش
وبعدين بالمناسبة ، ديلنجر كان من التتار ، والتتار كانوا جايين من الصين ويقال انهم كانو معاهم اجهزه كهربائيه ومراوح وعربيات شيري واسبيرانزا برضه ويقال ايضا - والعهده على التعميره اللي كان شاربها الراوي - ان الموضوع كله ان هولاكو كان عايز يعمل صيانة الألف بتاعة عربيته ، وقيل له أن احسن مكان هو ابورواش وعشان كده حصلت عين جالوت ، لأن قطز قفش انه ميدخلش مصر غير لو جاب طفايه ومثلث وشنطة اسعافات بمعرفتنا وتكون مطابقة للمواصفات القياسيه المصريه !! سيبك المهم النهارده احد الأرقام دي رد عليه وأخيرا واحده ردت علي في 35390408 وقالت لي اتصل احجز على رقم 0164444144 وفعلا الرقم الأخير ده بيرد !!! هو مركز صيانة اللي بعد البوابات في طريق مصر-اسكندريه مش هو ده ابو رواش ؟؟؟ أصلي بقولها مركز ابو رواش ؟ بتقولي مركز الكيلو مش عارف كام اللي بعد البوابات !! حسستني ان ابو رواش ده راجل بيئه !!! ومش ستايل خالص مع ان رواش جايه من روش يروش فهي روشنه !!! حد يقولي .. ولا انا حجزت في مركز تاني ؟ |
رد: صيانة الألف كيلو
و الله يا عمنا أنا عمرى ما روحت و لا ح أروح أبو رواش دى ! لآنى من صغرى أسمع انها المصدر الآول
فى مصر و الوطن العربى للثعابين و العقارب و الضفادع و بعض الحيوانات شبه المفترسه ! و بم ان العمر موش بعزقه فخلينا بعيد أحسن ! ptmnlo123per154 حاكم أنا سامع ان أم رواش متخانقه مع أبو رواش و الواد رواش ذات نفسه حالف ان اللى ح يدخل فى النص بينهم ح يحلق له و ح يروشه ع الآخر ! ptmnlo123per1106 Dr. Bolbolan ptmnlo123per1127 |
رد: صيانة الألف كيلو
اه هو منطقه ابو رواش موجوده فى اليمين اللى قبل البوابات بتاعه الكارته على طول لكن توكيل ابو الفتوح غالبا ملاقاش مكان ليه قام عامله بعد الكارته يعنى هاتدفع الكارته يامعلم
|
| الساعة الآن 09:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017