مصر موتورز مجتمع السيارات - اول مشكله مع الاوبترا ومش عارف سببها ايه

النهارده قولت اخرج اروح لواحد صاحبي جاي من السفر اسلم عليه المهم نزلت عادي جدا سخنت العربيه شويه وبعدين رحت طالع عادي جدا من الجراج وتقريبا مش عارف ايه اللي حصل اول ما العربيه حطت كاوتشها علي ارض الشارع ولقيت صوت الموتور علي فقررت اني اعمل نفسي مش واخد بالي وشغلت التكييف وفضل طبعا بردو الصوت قلت ياواد طنش خاااااااااااااالص وسيبها تعمل اللي هي عاوزاه المهم بعد اما العربيه جريت شويه لقيت الصوت رجع تاني كانه عادي وكنت تقريبا عديت الخمسين فقلت الحمد لله لاني كنت خايف يكون اول هزار ليها معايا بايخ بالشكل ده لانها ليسه معايا من كام شهر المهم وقفت قلت اشتري شوية شيكولاته مورو علي كابري وناكلهم لاني كنت خايف تكون شيكولاته بلاد بره نسته شيكولاته بلده فوقفت ورحت جبتها و رجعت تاني لقيت الصوت علي تاني قلت ياواد طنش خاااااااالص لحد اما توصل للعماره بتاعته المهم وصلت ورحت فتحت الكابوت ونظرت نظرة تأمل وعملت نفسي فاهم ولقيت كل حاجه تبدو طبيعيه رحت قافل الكابوت وطلعت وانا مستسلم للامر الواقع فالمهم اما خلصت نزلت تاني دورت العربيه ومشيت بيها خطوتين وقاعد مستني الصوت يعلي تاني لقيته معليش قلت ياواد طنش خاااااااااااااااالص هتلاقيه هيعلي دلوقتي لقيته معليش قلت اقف ابطل وامشي تاني لقيته بردو معليش هو في الاول انا بصراحه كنت شاكك في اني زيت الفتيس عاوز يتغير لما لقيت الصوت بيهدي بعد الخمسين لكن الار بي ام كان طبيعي المهم احاول من هنا لهنا اني الصوت يرجع عالي تاني مفيش المهم نزلت تاني بالليل قلت اجرب لقيت بردو الصوت هادي ومفيش حاجه ولحد دلوقتي مش عارف هل المشكله دي ممكن تتكرر معايا بكره وهل دي مؤشر لحاجه كبيره ولا ايه مع العلم اني العربيه اوتوماتيك والنهارده كنت اول مره اشغل التكييف من بداية الصيف