|
آخر تطورات مشروع صيانة الكبالن بتاعى
السلام عليكم النهارده فيه تطورات لمشروع صيانة الكبالن لانى شاركت ناس كويسه جداً وفتحت ورشه فى مكان جميل جداً وعنوانه سهل ومايتوهش اول عماره وانت داخل على الحرفيين من مدينة السلام يعنى بعد العماره جراج السوبر جت اتوبيسات السفر الورشه بتبص على كوبرى الدائرى الخاص بمدينة السلام وطبعاً الورشه هاتبقى متخصصه فى خدمة الكوبلن بكل اشكاله وانواعه إصلاح أو تركيب جديد أو صيانه كتغيير الكاوتش وتشحيمه من جديد والاسعار مش هاقول رخيصه لان الرخص هايبقى على حساب الزبون بس أقدر أقول إن الاسعار إن شاء الله هاتكون فى العادى لان الخامات اللى هاشتغل بيها مش هاتنازل إنها تكون أجود انواع الخامات متوفره فى السوق المصرى وكمان هايكون فيه ضمان مش اقل من 4 شهور ده إذا ماكنش 6 شهور وطبعاً اليومين دول بأجهز الورشه لانى عايز اجيب عده كويسه علشان تخدم الشغل وكمان فى اختيار المكان راعيت انه مايكونش فى الزحمه جوه الحرفيين عشان العميل يبقى مستريح وهو موقف عربيته ومش مزنوق بين الورش وده اللى خلانى اختار مكان الورشه ومابصيتش خالص انى هاكون جنب ورش تشغلنى اكتر والكلام ده لانى بحب النزاهه فى الشغل واللى هايزورنى هايشوف كلامى صح ولا غلط وهايتبسط من المكان جداً وإن شاء الله هايحس أنه واقف مع أخوه مش مع مصاص دماء ههههههه ودلوقتى بقى سلام وأى تطورات هانزلهالكو على المنتدى ده فقط وعلى فكره كلامى ده مانزلش على اى منتديات تانيه خالص مع إن حساباتى على المنتديات التانيه أقدم من المنتدى ده بس هى بتبقى كيميا ومش بمزاج الواحد وعلى فكره كل اعضاء المنتدى هايبقى ليهم تخفيض تقديراً للمنتدى وليس لاى شىء اخر وربنا يوفق صور للموقع بس مش جى بى إس حاجه على قدى كده http://im20.gulfup.com/2012-04-22/1335088641521.jpg http://im20.gulfup.com/2012-04-22/1335088641582.jpg http://im20.gulfup.com/2012-04-22/133508864173.jpg http://im20.gulfup.com/2012-04-22/1335088641295.jpg http://im20.gulfup.com/2012-04-22/1335088641794.jpg http://im20.gulfup.com/2012-04-22/1335088641266.jpg http://im20.gulfup.com/2012-04-22/1335088641337.jpg http://im12.gulfup.com/2012-04-22/1335090377601.jpg http://im12.gulfup.com/2012-04-22/1335090377422.jpg على فكره الافتتاح إن شاء الله هايكون فى أول شهر 5 /2012 لانى لسه بظبط العده والسلام عليكم |
رد: آخر تطورات مشروع صيانة الكبالن بتاعى
اقتباس:
تقبل تحياتى |
رد: آخر تطورات مشروع صيانة الكبالن بتاعى
موفق ان شاء الله:12A96E~160:
|
رد: آخر تطورات مشروع صيانة الكبالن بتاعى
:THUMBS~220: ماشاء الله والله أكبر ربنا يبارك لك |
رد: آخر تطورات مشروع صيانة الكبالن بتاعى
اقتباس:
شكراً اخى على إهتمامك بالموضوع ومرورك زادنى شرف |
| الساعة الآن 11:26 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017