|
اخيرا ركبت فوانيس دبابة
بسم الله الرحمن الرحيم اخيرا يا شباب وبعد طول انتظار ركبت فوانيس دبابة في زقزوقة " عربيتي فيات 128 موديل 1991 " من زمان وانا بشتكي ان النور ضعيف وخصوصا لو على طريق سفر بتحس انك مش منور النور اصلا لغاية مالاقيت احد الاعضاء مركبهم في عربيته روحت رايح مدور عليهم لفيت كتير لغاية ما اشتريتهم وكان سعرهم ممتاز اخدت الاتنين بـ 45 جنية بس وبعدين طيران على الكهربائي وكانت الصدمة قالي لا لازم القواعد بتاعتهم رجعت تاني لقيت القواعد بتاعتهم لوحدهم بـ 60 جنية يعني اغلى من الفوانيس نفسها المهم اشتريتهم ورجعت للكهربائي وركبهم وايدي على قلبي من النتيجة وبعد 3 ساعات من تظبيتهم " وعلى فكرة الموضوع محتاج صبر علشان الفوانيس دي اكبر شوية من الفوانيس بتاعتها " وكانت النتيجة زي الفل وعلى اللمض القديمة لومض كده مش عارف نوعها ايه والاضائة رهيبة وفارشة ادام العربية والعالي رامي بعيد حاجة ممتازة بصراحة بجد حاسيت اني ماكنش عندي نور وركبت نور في العربية وكمان مخليين شكل العربية جامد جداً عموما انا حبيت انقل التجربة علشان الكل يستفيد وبجد اللي بيشتكي من النور يركبهم على طووووووووووووووووووول |
رد: اخيرا ركبت فوانيس دبابة
ياريت الصور يا باشا:Wkiss5:
|
رد: اخيرا ركبت فوانيس دبابة
:Wkiss5: مبروووووووووووووووووووووو ووووك
|
رد: اخيرا ركبت فوانيس دبابة
الله يبارك فيكوا يا شباب وان اشاء الله حصورها بكره وحنزل الصور
|
رد: اخيرا ركبت فوانيس دبابة
لو سمحت تدينا معلومات أوضح علشان نستفيد منك
اولا منين اشتريتهم اسم الفوانيس ايه ؟ دبابة موديل كام لان فيه كذا موديل وكذا شكل القواعد بتاعتهم بتركب على طول ولا محتاجة تعديل وشغل وتعب شكل العربية ياريت لو صورة علشان نشوف ومبروك عليهم |
| الساعة الآن 11:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017