|
إستفسار بخصوص e90 2008 320
السلام عليكم
حالياً بنسبه كبيره أنا بخلص في عربية 2008 إلي هي فيها مخدع فالكنبه ورا دي بيقولو بتبقى النص التاني 2008 صح؟ العيوب رشه إكسدمين و رفرف فيها خرابيش من بره محتاجه صيانة 60000 و كدا كدا هكشف توكيل عددها 60000 وده مخليني متردد عشان شايفهم كتير ! المزايا من جوا نضيفه جداً صاحبها كان محافظ عليها مركبة زنون أصلي فيها أربع فرد كاوتش جداد cd changer هل دة بينزل فالعربية ولا هو مركبو? كان مطلوب فيها 210 نزلتهم بعد يومين فصال ل-200000 و إنهردة هحاول أنزلهم أيه رأي حضراتكم وأرجو حد يرد علي في موضوع ال cd changer هل هو بينزل معاها ولا هو مركبه إضافة شكراً |
رد: إستفسار بخصوص e90 2008 320
كل الموديلات بينزل معاها تشينجر بس صغير 8 اسطوانات تقريباً والاصلى بيركب فى مكانة فى الشنطة وغالبا اى نوع تانى مبيجيش فى نفس المكان بتاعة بيركب خارج التجويف الاصلى اللى فى الشنطة
ومن ناحية السعر معقول وعداد 60 الف كم مش وحش طالما الحالة مش متهانه موضوع الخرابيش ده بيختلف من واحد لواحد فيه ناس مبتفرقش معاهم وفيه ناس وانا منهم مبتطيقهاش فلو انت زيي يبقى هترش العربيه مع اول خربوش زيادة يحصل فيها وتبقى خسرت من قيمة العربيه طبعاً فانت احسبها على انها راشه حزام نظافه ان مكانتش الخرابيش فى الاساسيات كمان اخيراً موضوع الكشف اهم حاجة لانك ممكن تشتكف فى الكشف حاجات تانيه تغير قرارك خالص كمان لازم تحسب تكاليف صيانة ال 60 الف دول ايه وكل المصاريف الناقصة والرخصة والمخالفات وخلافه |
رد: إستفسار بخصوص e90 2008 320
قدامى واحدة 2007 لون جراى فرش اسود فابريكا بره وجوه راشه اكصدامات ورفرف واحد فى التوكيل ومفيهاش خرابيش ومعمول لحد اخر صيانة فى التوكيل وعدادها حاجة وسبعين ومطلوب فيها 190 لو تلزمك ابعتلك بيانات صاحبها
|
رد: إستفسار بخصوص e90 2008 320
شكراً يا باشا على الرد
وهشوف كدا لو مش هاخد ال-2008 دي ممكن نتكلم فال-2007 إلي حضرتك بتقول عليها |
| الساعة الآن 07:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017