مش عارف اجيب اى جهاز تكيف منزلى-- محتاج تجاربكم
 

يا جماعة الصيف داخل وعاوز أجيب تكيف سبليت حائطى فى البيت 1.5 حصان. المشكلة طبعا مش فى السعر المشكلة فى تعدد الأنواع. قرأت كثير فى محاولة لتحديد أفضل الأنواع بحيث أن الواحد مش يتعمل فى مقلب وخاصة أن هذا اول تكيف اركبة ومش عندى خبرة اصلا فى التكيفات ومودلاتها والأبشن اللى فيها. الناس مختلفة ناس تقول شارب وناس تقول كاريير وناس تقول فرش وناس تقول LG وناس تقول سامسونج......

أنا عاوز تجاربكم مع أجهزة التكيف.

1- ما هى أفضل الأنواع؟
أعرف ان الفرق بيكون فى الكباس بتاع التكيف لو الكباس كويس يبقى المشاكل هتكون قليلة... فماهو افضل تكيف من حيث المكونات.

2- ما هو أفضل تكيف من حيث صيانة ما بعد البيع؟

3- ما هو أفضل تكيف من حيث الصوت؟ مبحبش التكيفات اللى بتكون عمله زى ماكينة الطحين

4- ما هو افضل التكيفات من حيث الأوبشن يعنى فيه إمكانيات كثيرة..



أرجو المشاركة من الأعضاء الكرام من واقع الخبرة والمعرفة................. ..

رد: مش عارف اجيب اى جهاز تكيف منزلى-- محتاج تجاربكم
 

رد: مش عارف اجيب اى جهاز تكيف منزلى-- محتاج تجاربكم
 

أبو نورة دائما سباق للخير. شكرا على المشاركة. الحقيقة أنا اصلا حيران بين الثلاث أنواع اللى حضرتكم ذكرتهم. اما يونيون اير فأصبح تكيف غير جيد على حد زعم كثير من الأراء وأعطاله كثيرة...

منتظر حد يحسم الخلاف بين الثلاث أنواع

رد: مش عارف اجيب اى جهاز تكيف منزلى-- محتاج تجاربكم
 

متابع:w6w2005041113562663

رد: مش عارف اجيب اى جهاز تكيف منزلى-- محتاج تجاربكم
 

قررت اجيب تكيف LG نيو بلازما. هو تقريبا 3300 جنية واحد ونص حصان. الراجل اللى كنت رايح اشتر من عنده تكيف شارب العربى قعد يكلمنى على شارب حوالى نص ساعة بما انى جاى اشترى شارب وفى نص الكلام عرفت انا موزع لتكيفات LG كمان. ولما قلت له نصحتك اجيب شارب ولا LG قالى كنصيحة ان LG افضل وها لعدد من الأسباب وهى:

1- به كباس كورى تروبيكال يتحمل درجة حرارة حتى 55. بينما كباس الشارب يكون إما ماليزى او تيلاندى

2- يستطيع الكباس العمل حتى مع ضعف الكهرباء حتى 160 فولت بينما شارب يحتاج 180 على الاقل.

3- يتم التحكم فى ريشلت توجيه الهواء بالريموت اما شارب واحد ونص حصان فيتم هذا يدويا

4- ال جى به شاشة ديجيتال يظهر عليها درجة الحرارة للغرفة بينما شارب لا يوجد بيها هذه الخاصية

5- التكيف ارخص من الشارب بقيمة 100 جنية

6- الضمان لمدة خمس سنوات على الجهاز كله مثل شارب.

7- شكال الجهاز اشيك فى الشكل وخامات الوحدة الداخلية اعلى كما قال.

ما رأيكم بعد هذا الكلام؟ كلا الجهازين يضمنهما البائع الذى لدية مركز صيانة تابع للشركة فالامر بالنسبة له سيان ولهذا اشعر ان نصيحته خالصة......