ساحب جنزير تحت العربيه مش عارف جاى منين
 

معلش ياجماعه على رأس الموضوع
بس هو فعلا ده اللى بسمعه
انى ساحب جنزير او سلسله حديد تحت العربيه

نبتدى المشكله من الاول ...
عربيتى النترا 2008 مانيوال غيرتلها ديسك واسطوانه وبليه اورجينال تمنهم 750 جنيه بعد ما الحاج والدى مشى بالعربيه والبليه انكسرت
المهم بعد التركيب علطول وانا ماشى من عند الميكانيكى وبعد حوالى 5 كيلو سمعت الصوت ده وقفت على جنب علشان اشوف ايه اللى شابك تحت فى العربيه :hd:
تتوقع الاقى ايــــــــــــــــــــــه ؟؟؟ :12A96E~160:
ملقيتش اى حاجه ... قولت ديه تهيؤات
كملت مشى بالعربيه بعدها بيوم سمعت نفس الصوت .. قولت لا بقى مش كده ديه بقى مش تهيؤات
روحت للميكانيكى وطلع جرب معايا الصوت ظهر بعد ما مشينا حوالى 5 دقايق
بس الصوت ده مش بيطول يعنى مثلا ممكن ميأخدش 20 ثانيه وبعدين يروح ومش على غيار معين يعنى ظهر مرة على الثالث ومرة على الخامس ومرة على الاول
البيه الميكانيكى بيقولى ممكن يكون المارش فيه حاجه وانا بصراحه مش مصدقه ANAA7TG
ياترى ممكن يبقى ايه ؟؟؟

رد: ساحب جنزير تحت العربيه مش عارف جاى منين
 

تعالى ياباشا رفنى ف المركز وان شاء الله بسيطه

تقبل تحياتى

رد: ساحب جنزير تحت العربيه مش عارف جاى منين
 

غالبا فيه مشكله فى فورش الدبرياج

وهتحتاج فعلا

لإعادة الكشف على الدبرياج وبلية عمود الدريك

وغالبا برضه

أنتم عالجتم المشكله الأولى

عند ميكانيكى على أده شويه

ويفضل عدم التعامل مع هذا الميكانيكى فى المره القادمه

تشوف غيره أفضل

رد: ساحب جنزير تحت العربيه مش عارف جاى منين
 

والله ياباشا كان نفسى اتشرف بحضرتك واجيلك بس من الواضح ان حضرتك من القاهرة وانا من طنطا
ومش عاوز اطلع بالعربيه بره طنطا علشان مقلق عليها :fun_36_1_26[1]:

رد: ساحب جنزير تحت العربيه مش عارف جاى منين
 

والله ياباشا انا معلوماتى عن العربيه على قد حالها فا ممكن اكون مش عارف اشرحلك المشكله بالظبط ايه
بس الصوت مش بيظهر علطول بمعنى انى ممكن امشى نص ساعه مسمعوش وبعدين اسمعه كده حوالى 10 او 15 ثانيه ومش بيبقى عالى اوى
ممكن بيبقى عامل زى رفرفه كيس او ورقه جوة العربيه وانت فاتح الازاز وماشى على السريع والهواء بيدخل العربيه بيحركها
ياريت تكون فهمتنى