مصر موتورز مجتمع السيارات - بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه 128

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه 128

السلام عليكم ورحمة الله وبركاته

فيه مشكله عندى وهى
بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه
128

المشكله مثالا انا ماشى على الثالث وجايب سرعة 50
لو شيلت رجلى من على البنزين اسمع صوت رجرجه كده غريبه واول ما الماتور يبطاء تروح عادى
مع العلم الاتى
1:انا يعتبر لسه عامل عمرة بس من غير خراطه
يعنى غيرت كل حاجه مثالا بساتم صبباات وكل حاجه تتوقعوها بس من غير خراطه اى شىء
2:قاعدة الماتور اللى شايلاه من الجنب انا لسه مغيرها
3:قبل ما اعمل العمره ديه مكنش فيه اى صوت رجرجه لو شلت رجلى من على البنزين

وكمان

لو انا ماشى فى شوارع مكسرة بسمع اصوات حاجات بتشخلل من تحت من ادام بس مش عارف هيا ايه مع العلم انا لسه مغير اسكترا (علبة الدركسيون ) اول امبارح وكنت فاكر انها السبب بس بعد ما غيرناها الصوت لسه موجود زى ما هو ولا كانى عملت حاجه

وكمان

الدركسيون بعد ما غيرت علبة الدركسيون بتاعت العربيه لما تهزه يمين او شمال بسرعه يعنى مثالا انا واقف اروح هزه يمين شمال يمين شمال بسرعه بسمع صوت خبطه كده جايه من الصلايب اللى تحت مع العلم قبل تغير علبة الدركسيون مكنتش موجوده صوت الخبطه ديه

وكمان

بعد تغير علبة الدركسيون

وعدلنا الطارة بحيث انها تبقى مظبوطه لو العجل معدول كويس

حصل حاجتين لو مثلا اديت اشارة يمين او شمال مبقتش الاشارة ترجع لوحدها زى الاول لا لازم انا اللى ارجعها بايدى وكمان الكلاكس مبقاش بيضرب غير كل فين وفين

فارجو المساعده علشان احل المشكله ديه

وجزاكم الله خيرا

رد: بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه 128

مع العلم

زيت الفتيس روحت اطمنت عاليه الراجل قالى الزيت عندك مليان لغاية الاخر ومش محتاج تزوديد

وانا مغير طقم كهربا كامل بوجيهات وابلاتين وكوندنسر و زيت الماتور كل ده من اقل من اسبوع

رد: بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه 128

الحاجه إللى لفتت نظرى حاليا

هى موضوع زيت الفتيس

فياريت توضح يا أخ / سيد

يعنى إيه زيت الفتيس مليان على الآخر ....؟

رد: بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه 128

انا اقصد اخى الكريم انه مظبوط تمام يعنى مش ناقص علشان روحت لواحد بتاع زيوت قالى الزيت عندك مظبوط

رد: بسمع صوت رجرجه و اهتزاز لما بشيل رجلي من على البنزين لو ماشى على اربى ام عالى عربيه 128

اقتباس:

2:قاعدة الماتور اللى شايلاه من الجنب انا لسه مغيرها
3:قبل ما اعمل العمره ديه مكنش فيه اى صوت رجرجه لو شلت رجلى من على البنزين

يبقى الصح حاليا

تغير باقى قواعد الموتور