مصر موتورز مجتمع السيارات - عمرة موتور ولا موتور جديد استيراد

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - عمرة موتور ولا موتور جديد استيراد (https://www.masrmotors.com/vb/showthread.php?t=84004)

عمرة موتور ولا موتور جديد استيراد

الموتور عاوز عمرة لانة بياكل زيت وفى ناس نصحونى اشترى موتور استراد ويبقى عندك موتور تاخد منة قطع غيار
http://masrmotors.com/vb/images/smil...iles-25.gifاية الافضل اعمل عمرة للموتور ولا اجيب موتور استيراد

رد: عمرة موتور ولا موتور جديد استيراد

لو مكانك موتور استيراد طبعا

بس خلى محترف يشتريهولك

وتتفق مع صاحب المحل إنه على التجربة

رد: عمرة موتور ولا موتور جديد استيراد

اخى الكريم لو تفضلت تحكلنا المشكلة باستفاضة واسهاب فى السرد

رد: عمرة موتور ولا موتور جديد استيراد

بص يا برنس من غير كلام موتور استيراد ..........انا عملت قبل كدا عمرتين والاخر شيلت الموتور رميتوا وجيبت واحد استيراد وعايا الموتور التانى بستعملة قطع غيار ولما تيجى تحسبها حاتلاقى الموتور الاستيراد واقف عليك ببلاش

رد: عمرة موتور ولا موتور جديد استيراد

اقتباس:

المشاركة الأصلية كتبت بواسطة mr_astra (المشاركة 649895)

اخى الكريم لو تفضلت تحكلنا المشكلة باستفاضة واسهاب فى السرد

المشكلة انى اشتريت العربية لادا سمارة 1993 وكان ماتورها خفيف وطبعا ماكنتش اعرف ودة من 3 سنين بصراحة العربية حلوة وامتن كتير من 128 ومشيت بيها 3 سنوات وماتورها خفيف لكن الماتور بدأ ياكل زيت وريحة الزيت باينة فى العربية وهى شغالة ورحت للميكانيكى وقالى لازم عمرة للعربية بساتم وشمايز وممكن صبابات وفتحة لا يلعلمها إلا الله المهم الميكانيكى قالى انها فى حدود 1500 جنية طبعا قابلة للزيادة
لكن السمكرى إل بتعامل معاة قالى هاتلك ماتور استيراد احسن ويكون حالتة كويسة ويبقى عندك ماتور تاخد منة قطع غيار وانا معرفش تمنة يبقى كام
لكن فى ناس تانية قالولى المتور الاستيراد ممكن يطلع بردة فى مشاكل لكن العمرة احسن انها بترجع المتور لحالتة الاولى
بصراحة انا محتار اجيب واحد استيراد ويعمل كام ولا اعمل عمرة للماتور وخلاص