|
BYD F3 ولا Logan ولا Verna???
يا جماعة عاوز اعرف اجيب انهي عربية من دول اوتوماتيك؟ وهل الBYD f3 في منها اوتوماتيك اصلا ؟
|
رد: BYD F3 ولا Logan ولا Verna???
BYD f3 في منها اتوماتيك طبعا وسعرها جيد
تاكد ان اختيار السيارة يجب ان يكون نابع عن اقتناع تام من داخلك بالسيارة بنسبة 100 % واختيارك للسيارة يترتب على اولا المتطلبات اللى حضرتك عاوزها في العربية والامكانيات المادية يعنى احنا كعيلة كنا بنبص على حاجة واسعة وكان برضوا حاطين التلات اختيارات دول فيرنا بى واى دى ولوجان فكانت الفيرنا مستبعدة طبعا لانها واطية عن الارض وضيقة لحد ما من الداخل ثانيا انا كنت ابحث عن وسائل الامان فكان البى واى دى ثرى بالنسبة لى تكسب وهى عالية عن الارض وان كانت لييس مقل اللوجان بصراحة لكنها عالية BYD F3 2012 مانيوال زيرو فول اوبشن ( امتلك واحدة ) الموتور بتقنية ميتسوبشى 1600 سى سى عفشة مثل التيوتا ناقل حركة 5 سرعات زجاج ومرايات كهربائية + وحدة تحكم بـ باب السائق زجاجا خلفى فامية شيك جنوط سبور 15 " شنطة عربية واسعة جدا السيارة من الداخل واسعة + عالية عن الارض ثبات عند السرعات العالية ممتاز فانا جبت بيها 140 وبصراحة كانت ثابته وجيدة رغم انى لا احب السرعات العالية لكن من احساسى بالثبات دا اللى جرئنى شوية السيارة بصراحة موفرة في البنزين والتنك 50 لتر سعته الرسمية وسائل الامان من 2 اير باج + abs + ebd سنتر لوك وانذار تكيف بارد تلاجة وساخن فرن فوج لايت خلفى يوجد بها عداد رحلات TRIP A - TRIP B امكانية تعديل وضع الطارة CD AUDIO + وصلة MP3 الاتوماتيك زيادة فيها بفتحة سقف التكييف تاتش + الدريسكون ملتى اوبشن + الفتيس مثل النيسان 2008 او2009 باكرينج سينسور ومميزات اخرى اللوجان بالنسبة لى كانت مرفوضة لان حسيت ان فيها مشاكل بتيجى من المصنع لما دخلت على القسم الخاص بها في المنتدى وكمان حسيت ان مشاكلها كتيرة مقارن بالبى واى دى وبصراحى البى واى دى مبسوطين بيها جدا ونشكر ربنا عليها بجد |
رد: BYD F3 ولا Logan ولا Verna???
يا باشا اشترى برتون ساجا وريح نفسك ههههههههههه كده طبعا زودت الحيرة عندك البرتون فيه احدث الموتور واحسن صالون والفرش واقل المصاريف من الفيرنا والانوس ولوجانbyd f3 كسيارة1300 سى سى لوجان فيه ريحة الاوروبى يعنى ثبات وعلو عن الارض وواسعة بس قطع غيار غالية شوية والفيرنا قطع غيار منتشرة بس فيه عيب خطير واطية جدا عن الارض ومستهلكة يعنى تغير قطع غيار عالطول والانوس منتشرة جدا ومش واطية ولذيدة بس قصاد كده شكل قديم جدا و وموتور تكنولوجيا قديمة وعمره ما كان عيب فى السيارة byd f3 بيقول عليه قصائد شعر زى الانسر وانا لم اركبه بس هى شكله كويس وثبات ممتاز و دمت بود عموما الزيرو يستاهل تقله مهما كان
|
رد: BYD F3 ولا Logan ولا Verna???
اقتباس:
|
رد: BYD F3 ولا Logan ولا Verna???
انا بقالي في الحيرة ديه شهرين ... بس انا تقريبا استقريت على BYD F3 AT ..
الساجا حلوة .. و البروتون ملوش حل .. بس قطع الغيار غالية شويتين .. و العربية صغير شوية ( لا تقارن ب BYD ) . مفيش ABS or EBD .. وسادة هوائية واحدة .. بس برضو محترمة .. الفرنا شعبي اوي وده ميزة وعيب .. اللوجان دي بكرهها من كل قلبي .. يا جماعة دي داتشيا .. بس رينو اشترت اسهم داتشيا فبقت رينو في الزحمة .. و على فكرة بقة .. شكلها عار ( من وجهة نظري ) ... خليك مع BYD F3 اوتوماتيك ب 83000 بس نصيحتي ليك ... فتش وقلب في العربية كويس قوي وانتا بتستلم ( ساعات بيبقى في عيوب تقفيل بسيطة و بعنيك ركز على خطوط الابواب و الفروقات ( لازم تبقى مستوية بالمصطرة ) .. و كاوتشات الابواب .. و كل الازرار ( كلة لازم يعمل شغلة بطريقة سليمة ) ... و الف مبروك مقدما:Bravo: |
| الساعة الآن 07:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017