مصر موتورز مجتمع السيارات - استفسارين عن اللانوس ...

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - استفسارين عن اللانوس ... (https://www.masrmotors.com/vb/showthread.php?t=83666)

eaglenest

06-04-2012 08:41 PM

استفسارين عن اللانوس ...

انا لسة جديد في شغلانة العربيات دي وجبت عربية لانوس 2008 علشان اخبط فيها واتعلم .. المهم انا عربيتي بتاكل بنزين .. يعني تقريبا لو مشيت بيها 200 كم هتفضى .. كنت فاكر ان ده الطبيعي بتاع العربية بس واحد قالي انها بتاكل بنزين وغير فلتر البنزين وكده .. غيرته مع فلتر الزيت والسيور والبيجوهات وكتينة ( لاني مش عارف اللي قبلي كان مقعدها قد ايه ) بس لقيت استهلاك البنزين زي ما هوه

الاستفسار الثاني ... انا عاوز ازود فريون ومش عارف سعره وانواعه ولا الاحسن اني ازوده وله انزل القديم واشحن من جديد ؟؟

ارجو رد الخبراء ولكم جزيل الشكر

AbOnOrA

06-04-2012 09:11 PM

رد: استفسارين عن اللانوس ...

بالنسبة لاستهلاك البنزين فى اللانوس غالباً بسبب الرشاشات وغالباً بتحتاج تغيرها

وبالنسبة للفريون بتزود الناقص بس وبيتكلف حسب اللى بتضاف وملوش انواع هو درجة فريون للتكييفات العربيات عموماً المهم يكشف على دائرة التكييف كلها ويتاكد ان مفيش تنفيس

samirayad

06-04-2012 10:41 PM

رد: استفسارين عن اللانوس ...

اقتباس:

المهم انا عربيتي بتاكل بنزين .. يعني تقريبا لو مشيت بيها 200 كم هتفضى ..

كتير أوى المعدل ده

- هل كشفت على البوجيهات وشوفتها مهببه ولا لا .......؟

- هل بتعاكسك فى الدواره والمكنه سخنه ..............؟

- هل عملت أسكانرللتعرف على الأعطال المسجله بذاكرة وحدة التحكم .........؟

-------------------

بالمناسبه

العربيه عامله كام الف كم ................؟

وبتاكل معاك زيت كمان ولا لا ......؟

eaglenest

08-04-2012 01:19 AM

رد: استفسارين عن اللانوس ...

انا مجير بيجوهات وفلاتر وكله تمام وصيانة كل 3 اشهر .. كشفت عليها في التوكيل وقالي المكنة تمام ومش بتاكل زيت ... ومش بتعاكسني في الدوارة او اي حاجة كله تمام .. انا شكيت في الشكمان
وقالي علبة البيئة مكسورة وفيه تنفيس في العلبة اللي في النص عاوزة تتلحم انا مش فاهم يعني علبة البيئة ماشي هغيرها ان شاء الله .. طيب التنفيس ده الحمه وله ملوش لزمة لانه مش بيطلع صوت أصلاً حاجة خفيفة كده ؟ انا كنت مغير العلبتين قريب اللي ورا واللي في النص

العربية عاملة 72 الف كم

الساعة الآن 06:09 PM.