ريحه شياط بتظهر على فترات؟؟؟
 

انا لسه شارى كيا برايد موديل 99 من اسبوعين كده وعلى فترات وانا سايق اشم ريحه زى شياط كده من الشكمان فتحت الكبوت حد قاللى ان الجنوط تقريبا بتعرق حاجه كده فبتنزل على الموتور وهو ساخن فبتدى ايحاء للريحه دى بس الريحه بتيجى من الشكمان وطبعا مش علطول بتظهر على فترات ياترى ده من ايه؟؟؟؟؟؟ظ

رد: ريحه شياط بتظهر على فترات؟؟؟
 

السلام عليكم الشياط ده ليه احتمالين:
1- بيظهر معاك اغلب الاوقات لما تكون الدنيا حر وواقف في اشاره او ماشي في زحمه بسرعه بطيئه
باختصار...الشياط ده زيت بينزل على الفرن او على جسم المكنه الي بيكون سخن.
الزيت بيحرق ولانك بتكون ماشي بسرعه بسيطه بتشمها بوضوح
اماكن تسريب الزيت المحتمله يا اما جوان غطا التكيهات يا اما الاستك بتاع الاسبراتير
2-لو السياط مستمر يبقى المكنه خفيفه وبتبخر زيت والبخار ده هو الي انت بتشمه
اغسل المكنه وتابع الشياط وتسريب الزيت وعالج المشكله

ارجو اكون ساعدتك