صوت الفيرنا
 

جبت فيرنا 2012 gls جديد المشكله ان العربيه صوتها عالى مع التزويد زياده عن اللزووم ........ مش عارف دا بسبب التليين ولا بسبب ايه بس مزعجه. لو حد عنده فكره يقوللى استنا صيانه الالف و لا ارحلهم اشوف الموضوع دا ؟

رد: صوت الفيرنا
 

أى مكنه لازم تعمل معاك كده

مع التزويد زياده عن اللزوم

وخصوصا لما تكون مش مريح الفتيس

لأنك بهذا الشكل

كأنك بتخنق المكنه وتمنعها عن أخذ حريتها فى الإنطلاق

بتحاول توقفها يعنى

وده بيسمى ب engine brake



فحاول تاخد الأمور مع سيارتك الجديده

خطوه بخطوه

لحد ماتتعود على صوت مكنتك

بحمل طبيعى ...ووضع نقله طبيعى للفتيس

-------------------------

وقدام شويه مع تفتيح الموتوربشكل هادىء للتزويد

هتحس بوضع أفضل كتير من الوضع الحالى

رد: صوت الفيرنا
 

شكرا يا باشا على التوضيح انا قصدت صوتها عالى زياده عن اللزوم مع التزويد الخفيف يعنى ار بى ام 2.5 :3 على التانى و التالت .الرابع .. بحس كانى بشد من صوت المكنه مش ماشى عادى خايف لتكون كهربت المكنه عاليه و لا حاجه

رد: صوت الفيرنا
 

استني لحد ماتعدي الالف كم واعمل صيانه ال 1000 وبعد كده فكر تحكم او تسمع حاجه في العربيه :fun_36_3_16[1]:

رد: صوت الفيرنا
 

اتقل عليها شويه ياباشا انا معايا ستار 2012 اوتو كانت صوتها عالى برضه وكنت بكرهه اركبها بس دلوقت عاملة 3000 كم وكل مدى الصوت بيهدى والاداء بيتحسن .
على فكرة انا غيرتلها الزيت بعد الالف بره التوكيل علشان حطيتلها كاستروا ايدج w5-40 بصراحة بيفرق فى الصوت والسحب لانه مش تقيل على المكنة .
وعاوز برضه اقولك على نقطة تانية بالنسبة للصوت العالى كان بيبقى فى زنه مع زيادة الار بى ام على 2 وعلى 3 ونص ولقيت ان مواسير التكييف اللى ماشيه على صدر العربية من ناحية الشمال لما بزود بتلزق فى الصدر وتزن لانها قريبة منه جدا وفى ماسورة تانية برضه رفيعة ورا الانجكشن . لو عندك نفس الموضوع حاول تبعدهم بقطعة رابر او سفنج:fun_36_3_12[1]: