قطمة دركسيون
 

السلام عليكم ورحمة الله وبركاتة اشتريت سيارة رينو ميجان 2005 عاملة 61 الف كيلو وسعرها 61 الف جنية وبوكشفت عليها داخل مركز صيانة معتمد وبعد شرائها بيومين وجد بها عطل فى طارة الدركسيون - فصل الباور عنها - ذهبت الى مركز الصيانة بعد الكشف عليها وجد ان الدركسيون به قطمة - افاد مركز الصيانة بتغيير العمود وثمنة استيراد 1500 ......... برجاء افيدونى .... وشكراً

رد: قطمة دركسيون
 

والله انا نفسي افيدك لان قطمة الدركسيون بنعمل فيها كل حاجة لكن للعربيات العادية مش الميجان وبمنتهى الامانة سعر غير عادل بالمرة لانة عبارة عن اكس حديد وعلية بليتين وجلبة وكلام فاضى والله
بس انا مش فاهم اية العلاقة بين قطمة الدركسيون او الاكس وبين فصل الباور

رد: قطمة دركسيون
 

المفروض فصل الباور او اى مسكلة متعلقة بالتوجية يكون فى الاسكاترا لان العلاقة بين الاكس بتاع القطمة وبين الاسكترا هو الصليبة والمشرشر
مشاكل الباور اما فى الطلمبة او فى بستم السكاترا او المواسير لو هيدرولك انما القطمة ؟؟؟لية

رد: قطمة دركسيون
 

بداية احب ان اشكر كل القائمين على هذا الموقع واشكر من اهتم ورد على موضعى
فى بداية الامر عندما ذهبت الى مركز الصيانة وتم توصيل الكمبيوتر على السيارة عاد الباور وبعد ذلك بلحظات عاد ثقيل كما كان وبعد ذلك عندما دارت السيارة عاد الباور وهكذا - الباور كهرباء
وعلى العموم انا سألت مركز الصيانة اذا كان العمود به خلل ام لا فاجاب الخلل غالبا على ما اذكر فى الكمبيوتر داخل الدركسيون فسالتة هل ياتى وحدة قال لى ياتى كلة هو والعمود مرة واحدة وهل االامر هذا له علاقة بمشاكل الميجان ام لا وهل سيتكرر مرة اخرى وشكراُ - فى انتظار ردكم

رد: قطمة دركسيون
 

انا توقعت كدة ان الباور عندك كهرباء وللاسف مش هاقدر افيدك لانى معنديش تجارب سابقة فى باور الكهرباء وخصوصا الميجان اللى كل حاجة فيها كمبيوتر
ربنا يكرمك بحل مثالى بامر الله