|
ظاهرة انتحار المشاه!!! اه انتحار !!!
من كام يوم كده كنت مسافر انا و اسرتى من القاهرة الى دمياط و لاحظت شئ غريب جداً الناس بتعدى الطريق السريع من غير ما تتأكد إذا كان فى عربيات جاية والا لأ , .. طبعاً اول حاجة هتيجى فى دماغك ايه الفشر ده بس والله ده الكان بيحصل و الغريب بقى ان البيعدى ده بصرف النظر عن تكرار الموقف و تفاوت الاعمار بينهم انه حتى لو بيعدى و معاه ابنه الصغير بيعدى هو و مالوش دعوة بالبيحصل وراه ممكن ابنه يتفعص مثلاً لاقدر الله و هو ولا فى دماغه عادى جداً و الأغرب بقى ان السواقين واخدين على كده عادى جداً ولا كأن فى حاجة, يبقى السواق مثلاً ماشى على سرعة 100 او 140 و يعدى فجأة كده واحد و هو يقف على دواست الفرامل برجليه الاتنين و بعدها يكمل مشى عادى و كأن ده الطبيعى ان الناس بتتزرع فجأة كده فى الطريق السريع انا الحمد لله انى معرفش الطريق و كنت راكب بيجو 7 راكب لو انا السايق كنت 200% دوستلى خمستاشر ستاشر واحد كده بس الحمد لله ربنا بيسترها ديماً .
|
رد: ظاهرة انتحار المشاه!!! اه انتحار !!!
تاثير ترامادول يا باشا
|
رد: ظاهرة انتحار المشاه!!! اه انتحار !!!
هههههههههههههه والله ممكن عندك حق الهباب ده بقيت بشوف ناس كتير بسفوا وكأنه ملبس
|
رد: ظاهرة انتحار المشاه!!! اه انتحار !!!
:sd::sd:
مش عارف ليه اول لما قريت عنوان موضوعك قلت اكيد انت من اسكندرية وحتشتكي من الناس اللي بتعدي علي البحر بس دا طلعت المشكلة عامة وفي حتت كتير ومع كثرة حوادث العربيات والناس اللي بتتهرس كل يوم - والله كل يوم لازم تشوف واحد مهروس في نص الشارع وكان البني ادمين قطط من غير مخ وبتعدي مش في دماغها حاجة غريبة دا انا لو ادوني فلوس وقالولي عدي من اضيق حتة علي البحر حخاف اعدي وممكن امشي مشوار عشان اوصل لغاية اي نفق اعدي منه ودا علاوة :090104~384: علي المصيفين اللي طبعا بيعدوا عيلة مكونة مش اقل من 5 افراد من اوسع حته علي البحر دي بتبقي كارثة ربنا يسلمن من شر الحوادث والناس اللي معدية |
رد: ظاهرة انتحار المشاه!!! اه انتحار !!!
:090104~384:
هوه الترامادول وأعتقد أنه بقى فى مياه الحنفيه |
| الساعة الآن 05:39 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017